Manila (20 July) -- Ginkundina dida han Sabado han Malacanang an duha nga pamumba han duha nga ritzy nga mga hotel ha Jakarta dida han Huwebes pero nakaginhawa hin halawig pakasabot nga waray Pilipino nga apektado han kanan mga terorista pag-ataki nga nakamatay hin siyan katawo.

Dida hin usa nga pamakiana ha radyo, nagsering hi Presidential Spokesperson Lorelei Fajardo nga ini nga mga pamumba in nagpapakita la nga kinahanglan gud pakurokusgon an seguridad han nasud.

Sering niya nga hi Pangulo Gloria Macapagal-Arroyo in dumeritso ha Mindanao, dida han Byernes han aga tikang han iya biyahe ha Ehipto, para makig-meeting han anti terrorism council, kun diin gin-atinderan ni Executive Secretary Eduardo Ermita nga amo an naghatag han Pangulo hin briefing.

Maski kadam-an han ginkauro-estoryahan in diri angay ipagawas, ito ngatanan in tipakadto hin panginahanglan pagpakurokusog an seguridad para diri masugad an aton nasud han nahinabo ha Indonesia, sering ni Fajardo.

Ini in magsisirbi nga pahinumdum para han gobyerno ngan han mga pribado nga mga negosyo sugad han mga hotel nga ginpapadalagan ha nasud ngan han dagko nga mga tindahan nga kinahanglan magin preparado han ira mga programa parti seguridad ngan makigsarosarabot han gobyerno, dugang pa niya.

"Ha aton mga katawhan nga may-ada inpormasyon, o maski la tahap, kinahanglan deretso nira igpasabot ha kaangayan nga mga opisyales total tanan han ira igsusumat in tratratarun nga sekreto," sering ni Fajardo.

An mga terorista nga ada ha ilarum han Muslim extremist nga grupo amo an mga nahisumat nga resposabli han nahitabo nga pamumbo dida ha Huwebes kahuman han oras han pamahaw ha Ritz-Carlton nga JW Marriot nga mga hotel, duha nga mga pupolar nga hotel ha mga turista.