Waray-Waray News: Waray ako magpahayag si karuyagon pagpadayon sobra san akon termino sa posisyon, sugad ni PGMA
Ni Nene A. Manzanares
Manila (28 July) -- Kabaliktaran san mga sugad sa kanya mga kritiko, si Presidente Gloria Macapagal Arroyo in dire magpapadayon sobra sa termino sa kanya posisyon.
Sa kanya ika siyam nga State of the National Address, si Presidente Arroyo in nagsugad nga waray siya magpahayag sin karuyagon nga magpadayon sobra sa termino sa kanya posisyon. A kanya mga kritiko in nag-aakusar kanya matungod sine, pero sugad pa san Presidente sira mismo an karuyag dumokot sa kanra mga posisyon pareho sin pagdukot san mga raysang sa mga poste.
Sa katapusan sa kanya pagbagaw, si Presidente Arroyo nagpahayag nga malusad siya san mao nga entablado pero dira ine karyuyag sidngon nga malusad na siys bilang presidente matungod nga a kanya termino in matatapos pa sa sunod nga tuig. Samtang dire pa ito naabot, mapadayun siya pagtrabaho ngan pag-ugop san ordinaryo nga Filipino, sugad pa ni Presidente Arroyo.
Sugad ni Presidente Arroyo, nga kinikila sa kanya kamaduroto nga damo pa an hirimuon tubtub ngadto sa ultimo niya nga adlaw sa opisina sa bulan sa Hunyo sa sunod nga tuig.
Dugang nga sugad san Presidente nga bilang namumuno san nasud damo pa a kanya mga dapat buhaton ngan hilaba pa an sayu ka tuig. An mga tawo in yaun katungod magkayaun si namumuno nga maduroto pareho sa kanra kamaduroto.
Kanya gin-aghat an mga karuyag mag presidente nga tagan an mga botante si mautod nga pagpipili-an ngan dire la si mga kandidato nga mag magtam-is magsaad.
Binalikan ni Presidente Arroyo a kanya mga kritiko sa kanya State of the Nation Address nga ginkila nga sayu san pinakamakusog ngan pinakamahingdanon nga SONA.
Gindiwara san Presidente an mga akusasyon nga ginkakahadukan sa kanya mga kritiko. Sira an nahadok sa kanra mga kalugaringon dagaw, dugang nga sugad ni Presidente Arroyo.
Siya daw in gintatagan-tagan si mga sayup ngan mga butang nga waray niya himua ngan siya kuno in nagamit sa kanya katungdanan agud makaganansya. Ginbalikan san Presidente a kanya mga kritiko pagsugad nga damo sa kanra in haun si kahimtang sa kinabuhi nga an paggasto san kwarta in naghihimo sa kanra nga mga buhi nga testimonya sa mismo nga krimen nga ginbabato sa kanya.
Nagpahayag an Presidente nga naiimdan niya a mga kahulop sa kanya mga kritiko.. Nagkayaun sira higayon pagserbe sine nga maupay nga nasud pero an una nira nga ginserbehan mao a kanra mga kalugaringon. Gintagan bug-at ni Presidente Arroyo nga adtun naestar sin mga bablay nga puro salamin o kun mga glass houses nga dire maghagis si mga bato kontra kanya. Ginsugad gipahon san Presidente nga an mga ada sa prisohan in dire angay magtarhug kanya, labi na gud adton mga kritiko nga tikang na sa presohan. (PIA-Northern Samar) [top]
