Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 23 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/01

Waray-Waray News: Gindeklarar ni PGMA an state of calamity ha NCR ngan ha 27 pa nga mga probinsya

Manila (1 October) -- Igindeklarar ni Pangulo Gloria Macapagal-Arroyo an state of calamity ha National Capital Region (NCR) ngan ha 27 nga mga probinsya ha Luzon tungod han destruso nga durot han bagyo "Ondoy."

Iginpagawas han Pangulo an Proklamasyon 1891 hadton Septiembre 26, an adlaw nga ginrombo ni Ondoy an damo nga parte han Luzon ngan Metro Manila, agud ma-otororisaran an paggamit han national calamity fund ilarum han General Appropriations Act.

Nasasakop hini nga proklamasyon an National Capital Region; Pangasinan, Ilocos Sur ngan La Union ha Region 1; Quirino, Nueva Vizcaya ngan Isabela ha Region 2; ngatanan han pito nga mga probinsya ha Region 3; Batangas, Cavite, Laguna, Rizal ngan Quezon ha Region 4 A; Marinduque, Oriental Mindoro ngan Occidental Mindoro ha Region 4B; Camarines Sur, Camarines Norte ngan Catanduanes ha Region 5; Mountain Province, Benguet ngan Ifugao ha Cordillera Autonomous Region.

Igintatagana han Local Government Code nga an local government units (LGUs) en may-ada gahum pagdeklarar hin state of calamity ha ira tagsa-tagsa mga lugar kondi kon waray Proklamasyon han Pangulo, diri mahipapagawas an pondo nga gin-alutaga para han kalamidad.

Tungod han makusog ngan waray hunong nga uuran, halu-ag an pagbabaha nga nagin hinungdan hin makalilisang nga danyos ha mga propiedad labot la han mga nagkamamatay ngan nahimaruydoy.

Tungod hini ginmando-an han Pangulo an ngatanan nga natutungdan nga mga departamento ngan iba pa nga mga ahensya han gobyerno nga mag-implimentar ngan magpahamtang hin ayuda medikal, tambulig ngan rehabilitasyon.

Sumala han National Disaster Coordinating Council (NDCC), basar han mga report nga nakadangat ha ira han alas-6 han aga han Septiembre 30, maabot 373,675 nga mga pamilya o kon 2,254,915 nga katawhan na an apektado han babaha. Naabot na hin 246 an nagkamamatay, lima nga nagkasasamaran ngan 42 pa nga iba an waray pa hitatad-i.

Ginbabana-bana nga P4,792,309,020 an kantidad han danyos kon diin P1.59 bilyon an kantidad han destruso ha imprastraktura ngan P3.20 bilyon an ha agrikultura. (PIA-Eastern Samar) [top]

|«  prev  next  »|
DAILY NEWS LIST:
»Int'l peacebuilders offer help to GRP-MILF peace process
»NEDA XI comes up with own Citizen's Charter
»More lawyers interested in prosecution work
»Army conducts community forum in Talaingod
»PPA shores up Mindanao tourism and transport highway
»Aksyon Mindanaw holds relief drive
»WB urges MRDP to showcase decentralization of agri services
»Leyte stages 3rd Business Month celebration in October
»Waray-Waray News: Pag-asa nagpahimatngon hin bag-o nga mga pagbaha, pagtuno dara ha tipadaraon nga bagyo
»Cebuano News: Pag-asa nagpasidaan og lain nga pagbaha ug landslide kay naay laing bagyo nagpaduol
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines