Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 18 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/01

Waray-Waray News: Umayon an mga nan-ebakwet han Palace evac center

Manila (1 October) -- Mapaso nga ginkarawat han Malacanang dida han usa kagab-i an masobra usa ka-gatos nga mga nan-ebakwet nga natikang ha Tatalon, Quezon City ngan nagpreparar liwat pag-akumodar hin masobra 350 pa nga mga biktima han bagyo.

Hi Pangulo Gloria Macapagal-Arroyo in personal nga nagdara han una nga 103 nga mga nan-ebakwet nga natikang han Diosdado Macapagal Elementary School evacuation center ngan temporaryo nga ginkadto la anay hira ha Mabini Hall ha sulod han palasyo.

Sering ni Presidential Management Staff Secretary Hermogenes Esperon, Jr. nga an pag-akumodar han mga nan-ebakwet in kaparti han kanan Pangulo direktiba dida han pag-abrihan niya an mga porta han Malacanang para han relief ngan evacuation center.

Sering niya nga an mga nan-ebakwet in mapabilin han Malacanang tubtub ngadto han ira pagbalik ha ira tagsa-tagsa nga mga lugar.

Sering ni PMS Director Cookie Aydinan nga an dugang nga 350 nga mga man-eebakwet nga natikang han pareho nga center in posibli nga umabot kakulop nga adlaw. Hira in igbubutang didto ha Mabini Hall ngan Ceremonial Hall.

An 38 an edad nga hi Jessica Regoro, usa han mga nan-ebakwet, in nagpagawas han iya dako nga pagpasalamat ngadto han Chief Executive mahitungod han paghatag ha ira hin disente nga masisirungan upod an iya upat nga kabataan kun diin ngatanan han ira mga importante nga mga panginahanglan in ginhahatag ha ira.

Hi Regoro in usa han mga biktima han babaha ngan sunog mahitungod nga an iya balay in nasunog matapos magkaada hin electrical short circuit nga amo an nagin hinungdan han kalayo dida han lugar.

"Ini in mas mauro-upay, mas malimpyo kuntra han amon una nga gin-ebakwetan kun diin ginbisita kami han Pangulo dida han usa kagab-i. Ha yana mayda na kami mga banyo ngan an amon mga pamilya in nakakakaon na ha oras.

"Ngan labot la, an pagkaon in masustansya ngan marasa. Duro gud it akon pagpasalamat ngadto han Pangulo ha paghatag niya han amon hin mas Mauro-upay nga gin-ebakwetan," sering ni Regoro.

Hi Monina Dacallos, usa han mga nan-ebakwet, in nagpasalamat gihapon ngadto kan Pangulo Arroyo mahitungod han iya panginano ha mga nanhitabo han mga kablas nga mga biktima sugad ha iya.

Na-obserbahan ni Dacallos nga duro gud an iya kalipay dida han usa kagab-I han igpasamwak han Pangulo nga iya dadad-on an mga nan-ebakwet ngadto ha Malacanang.

"Dinhi an aton mga panginahanglan in ginhahatag. Damo an pagkaon, gintatagan han gobyerno hin gatas an akon gudti nga kabataan, mayda kami maglimpyo nga mga kasilyas, mayda kami mga mattress, mayda kami malimpyo nga tubig ano pa it amon aaruon? Hi Pangulo Arroyo in duro hin kasinsiro han iya pagbulig ha amon, ha panginano ha amon. Duro gud it amon pagpasalamat ngadto han Pangulo," dugang pa ni Dacallos.

Hi Dacallos in didto nakabutang ha Mabini Hall kaupod han iya pipito nga mga kauropdan. Sering niya nga nakakakaturog na hiya hin maupay mahitungod nga mas malimpyo an kapaligiran ngan nga seguridad nga ginhahatag han Palasyo. (PIA-8/translated by maa) [top]

|«  prev  next  »|
DAILY NEWS LIST:
»Int'l peacebuilders offer help to GRP-MILF peace process
»NEDA XI comes up with own Citizen's Charter
»More lawyers interested in prosecution work
»Army conducts community forum in Talaingod
»PPA shores up Mindanao tourism and transport highway
»Aksyon Mindanaw holds relief drive
»WB urges MRDP to showcase decentralization of agri services
»Leyte stages 3rd Business Month celebration in October
»Waray-Waray News: Pag-asa nagpahimatngon hin bag-o nga mga pagbaha, pagtuno dara ha tipadaraon nga bagyo
»Cebuano News: Pag-asa nagpasidaan og lain nga pagbaha ug landslide kay naay laing bagyo nagpaduol
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines