Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 17 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/05

Waray-Waray News: Mga nan-ebakwit ha Malacanang nalilipay han padayon nga bulig nga ginhihinatag ha ira

Manila (5 October) -- Nakalunay dida hin naka-carpet nga salog mentras nagkikita han ira paborito nga TV cartoons, an mga kabataan upod an ira mga kag-anak nga nagkaaapektuhan han kakusog han bagyo Ondoy in naayon hit ira yana kabutang ha Malacanang. Waray hira maghuhuna-huna nga hingangada hira hin sugad hini kakumportabli nga kamutangan, nga harayo hin duro an diperensiya kuntra han ira gintikangan nga naghuhuruot nga evacuation center.

Hi Violeta Diez, usa nga 36 anyos nga nanay hin usa nga upod han iya kag-anak ngan kabataan, in waray na maaaro pa. "Dako nga kaginhawaan an pagkabalhin namon dinhi. Diri hurug-ot ngan pirmi may pagkaon. Carpet pa an amon ginkakaturogan," sering ni Violeta, nga usa han masobra gatos nga mga nan-ebakwit ha Malacanang ha pagkayana, kun diin an lugar in temporaryo nga ginkumbertir nga evacuation center ha mando ni Pangulo Gloria Macapagal-Arroyo ha pagbulig han mga biktima han bagyo Ondoy.

Hi Violeta ngan han iya igkasi mga nan-ebakwit in ginbutang ha Ceremonial Hall, kun diin an mga katitirok han Palasyo sugad han mga induction ngan Vin d' Honneur para hin mga nanbibisita nga dagko nga pagkatawo in gindudumara dinhi. An iba nga mga pamilya in didto ginpahamtang ha Mabini Hall nga didto nakabutang ha usa nga lugar han kanan palasyo compound.

Mentras an kamutangan ha Ceremonial Hall ha ika-duha nga andana in medyo pinamilya, medyo paspasay naman an dalagan han mga panhitabo ha may Kalayaan Hall ha ubos.

An mga volunteer workers in duro an ka-aktibo ha panmutos han mga ipanharatag, ngan pandistribwer ngan pag-atinder han iba pa nga mga detalyi sugad han mga panginahanglan han Oplan Sagip Bayan. Ha pagka-Sabado, matotal hin 3,264 nga mga volunteers in bumulig han mga trabahuon. Matotal 6,100 nga mga family packs in ginkarga ngadto hin walo nga mga sarakyan han military para igdistribwer ngadto ha Marilao, Bulacan; San Mateo, Rizal; Cupang, Muntinlupa; nga Malibay, Pasay. Ha sulod hin walo ka-oras nga nagtikang dida han alas-7 han aga dida han Sabado, repacked relief goods in gindistribwer ha tulo nga mga lugar kun diin nakabenipisyo in l,850 nga mga pamilya kun diin naabot na an total ngadto ha 81,275 nga apektado nga mga pamilya an nagkasisirbihan ha pagkayana.

An mga donasyon nga kwarta ngan mga higamit ngan pagkaon nga nakarawat han Oplan Sagip Bayan para han mga ipanharatag han mga nabiktima in umabot ha P20.1 milyones, sering ni Presidential Management Staff Chief Hermogenes Esperon. An center in nakakarawat hin P1.3 milyones nga balor hin pagkaon ngan iba pa nga mga hinabang dida han Sabado.

Ha luyo nga bahin, an NFA nga bugas in igdedeliber ngadto ha Palasyo tinikangan kakulop nga adlaw ngan igbabaligya ha sinako o aminodo ha regular nga presyo para ngadto han diri mga biktima han Ondoy. Sering ni Cookie Aydinan, PMS chief of staff, nga magbubutang hin mga rolling stores ha sapit han operations center. (PIA-8/maa) [top]

|«  prev  next  »|
DAILY NEWS LIST:
»Army engineers turn over another school building to farflung Eastern Samar barangay
»Eastern Samar DTI appeals for businessmen's sobriety, public's calmness
»Consumers Welfare Month promotes use of Filipino-made generic drugs
»First batch of eSkwela scholars in Tanauan ready to take DepEd's October 11 A&E test
»PGMA sanctions use of police power to force evacuees from disaster-prone areas
»SSC Bulan campus presses services automation
»DOLE Bicol advises companies to allow workers to go home early at onset of typhoons
»Verification and grievance system set up in 4Ps areas
»Public schools promote peace through simultaneous storytelling
»Zambo City to host Mindanao OTOP fair, investment confab
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines