Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 17 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/06

Hiligaynon News: Bulig sa mga mangunguma biktima ni Ondoy ginmando ni PGMA

Manila (6 October) -- Ginmando ni Pangulong Gloria Macapagal-Arroyo nga buligan sang mga natungdan nga ahensiya sang gobyerno ang mga mangunguma nga nahalitan sang bagyong Ondoy kag Pepeng agud mapat-ud ang nagakaigo nga pagkaon sa mga masunod nga binulan.

Ginpahayag ni Deputy Spokesperson Anthony Golez sa isa ka press briefing sa Malakanyang nga ang inisyal nga halit sang bagyo sa sektor sang agrikultura nagalab-ot na sa P5.5 bilyon kag nagataas pa.

Gindugang man ni Golez nga ginpat-ud na ni Sekretaryo Arthur Yap sang Agrikultura sa gabinete kag sa publiko nga may nagakaigo nga produktong agrikultural sa sini nga tuig.

Apang, gindugang niya nga ang epekto sang mga bagyo sa agrikultura mabatyagan sa first half sang masunod nga tuig.

Suno kay Golez mabakal si Yap sang bugas sa luwas sang pungsod sa labing madali nga panahon agud masabat ang kinahanglanon sang mga Pilipino sa masunod nga tuig.

Ginpahayag man niya nga ginpat-ud ni Sekretaryo Peter Favila sang Department of Trade and Industry nga wala sang problema sa mga produkto nga ginabaligya sa supermarket kag mga groceries.

Ang problema, suno kay Golez, yara sa distribusyon gani ginhinyo na ni Favila ang pribado nga sektor nga magpahulam sang delivery vans agud mapat-ud nga may nagakaigo nga paninda sa supermarket kag groceries.

Gindugang pa ni Golez nga may nagakaigo nga paninda nga mabakal ang pumuluyo.

Ginmando man ni Pangulong Arroyo kay Favila nga papanaugan sg silot ang mga nagapamentaha sa krisis.

Ang madakpan nga nagapataas sang presyo sang balaklon pagapapanaugan sang silot nga P2 milyon nga multa kag 15 ka tuig nga pagkabilanggo.

Ginhinyo man ni Golez sa media nga buligan ang gobyerno sa pagbantay sang presyo sang mga balaklon sa merkado matapos nga ginbantala na sang DTI ang presyo sang mga nagapanguna nga balaklon sa mga pamantalaan agud makita sang pumuluyo. (PIA) [top]

|«  prev  next  »|
DAILY NEWS LIST:
»No need to change school calendar, says Lapus
»Feature: Schools as last option for evacuation shelters
»Tourism sector starts 'Byahe Ta Mindanaw'
»Early completion of Davao 2-storey school building hailed
»Feature: Household of faith, serving the people
»Bandits fall in South Cotabato
»Filing of DOST scholarship application extended
»Kabataan ITO set to be launched
»Hiligaynon News: Bulig sa mga mangunguma biktima ni Ondoy ginmando ni PGMA
»Hiligaynon News: Madasig nga pagpaguwa sang SSS, GSIS calamity loans ginmando ni PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines