Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 23 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/06

Waray-Waray News: Mga biktima nga nagin volunteers nagtitikadamo ha Malacanang Sagip Bayan Relief Center

Manila (6 October) -- Treynta (30) nga mga biktima han bagyo Ondoy nga anay nagpakakarawat han mga hinabang nga pinanhatag han kanan Malacanang Operation Sagip Bayan Center in nangulpot kakulop nga adlaw para bumulig han panmutos han mga pagkaon ngan dugnit ha Kalayaan Hall dida han ira pakabati ha radyo ngan telebisyon nga nanginginahanglan pa hin mga volunteer para magrepack han mga donasyon.

Ha turotemprano pa, an Presidential Management Staff (PMS) pinaagi kan Secretary Hermogenes Esperon in nag-apila hin mga volunteers dida han padayon nga pagsinulod hin mga pagkaon ngan dugnit tikang han mga nagdonar tikang pa dida han usa ka-adlaw.

An bag-o la nga nagkaabot nga mga volunteer in maliwan han anay nagbibinulig ha Center tikang pa dida han turotemprano han yana nga semana. Sering han mga opisyal han PMS nga kaurogan han mga volunteer nga pinanrecruit han turotemprano pa han semana matapos han bagyo Ondoy in mga estudyante nga kinahanglan na bumalik pag-eskwela kakulop nga adlaw.

Hi PMS Assistant Secretary Willy Oca nga nakadto han temprano pa han aga dida han Domingo pagpasabot hank an PMS Chief Esperon panawagan him darodamo pa nga mga volunteer in nagsering nga makalilipay pagkita nga an mga anay biktima nga nagpakakarawat han mga hinabang tikang han kanan Malacanang Sagip Bayan sa Kalayaan in ha pagkayanan nagin volunteers na.

An treynta nga bag-o la nga nagka-abot nga mga volunteers in natikang ha Barangay 845, Pandacan, Manila. Hera an una nga grupo nga nakakarawat han mga hinabang dida han pag-abri han Center dida han Martes, Septyembre 29, 2009.

Hi Virginia Rotao, 58 an idad, nag-uukoy ha 1933 Sampaguita St., Brgy. 845, Pandacan, Manila, in nagsering nga hiya in nagprisentar para makabulig han mga biktima nga sugad ha iya.

"Han mahibatian namon nga nanginginahanglan hin mga volunteer para bumulig pag-repack han mga hinabang kumanhi kami dayon para mabuligan liwat namon an mga iba pa," sering ni Rotao.

Sering niya nga an iya pagkadto han Center in diri la tungod han iya pagpasalamat han bulig nga iya nakarawat han turotemprano pa tikang han Sagip Bayan operations kundi it ngaran nga pagbulig ha tagsa-tagsa in kumon na ha mga Pilipino ha oras hin krisis.

Labot la han treynta nga mga volunteer tikang ha Pandacan, Manila, usa nga grupo nga kaapi han Young Pinoy Organization Smokey Mountain Chapter tikang ha 1st district han Tondo in umabot dida han aga para gihapon magin volunteer.

Sering nira nga hira in nagbuluntaryo para makabulig han Malacanang Sagip Bayan operations nga mabuligan an mga biktima han bagyo Ondoy.

An Malacanang Sagip Bayan Relief Operations Center in gin-establisar ni Pangulo Gloria Macapagal-Arroyo dida han Lunes han gab-I, Septeymbre 29, 2009, para dayon nga mabuligan an mga biktima han bagyo Ondoy ha Metro Manila.

An Center in abri 24-oras para mag-repack hin mga hinabang ngan mandistribwer ngadto han iba-iba nga mga evacuation center nga aada han syudad.

Labot la han Center, temporaryo nga ginpaayad hi Pangulo Arroyo an usa kaparti han Mabini Hall ngan han Ceremonial Hall para magin evacuation center. (PIA-8/maa) [top]

|«  prev  next  »|
DAILY NEWS LIST:
»No need to change school calendar, says Lapus
»Feature: Schools as last option for evacuation shelters
»Tourism sector starts 'Byahe Ta Mindanaw'
»Early completion of Davao 2-storey school building hailed
»Feature: Household of faith, serving the people
»Bandits fall in South Cotabato
»Filing of DOST scholarship application extended
»Kabataan ITO set to be launched
»Hiligaynon News: Bulig sa mga mangunguma biktima ni Ondoy ginmando ni PGMA
»Hiligaynon News: Madasig nga pagpaguwa sang SSS, GSIS calamity loans ginmando ni PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines