Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 17 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/06

Waray-Waray News: Donasyon ha Oplan Sagip Bayan naabot na hin P28.5M

Manila (6 October) -- Naabot na hin P28.5 milyones an mga donasyon para han Oplan Sagip Bayan han Malacaņang tikang han pagtikang han operasyon hini hadton Lunes, Septiembre 28, 2009. Ipapanhatag ini nga mga donasyon ngadto han yinukot-yukot nga mga biktima han kalamidad ha National Capital Region (NCR) ngan ha probinsya han Rizal.

Dida hin usa nga press briefing, iginpahayag ni Deputy Spokesperson Anthony Golez nga naabot na hin 103,676 nga mga pamilya nga apektado han bagyo Ondoy an nakapahimulos han serbisyo han Oplan Sagip Bayan, samtang 4,203 na an kabug-osan nga nagboluntaryo para han mao nga proyekto han gobyerno.

Kadam-an han mga boluntaryo en mga estudyante tikang ha maglainlain nga mga eskwelahan, kolehiyo ngan unibersidad nga ginsingabot an kawaray klase hadton naglabay nga simana ha Metro Manila ngan ha probinsya han Rizal agud magin mapulsanon an bakante nga panahon.

Ginpasalamatan ni Golez hi Davao del Norte Rep. Antonio Lagdameo para han donasyon nga P2 milyones tikang han Antonio O. Florendo Foundation para han Oplan Sagip Bayan. Ginkarawat an mao nga donasyon ni Presidential Management Staff (PMS) Secretary Hermogenes Esperon, Jr.

Padayon gihapon nga naghahatag en mga pribado nga mga kompaniya ngan non-government organizations hin mga pagkaon ngan iba pa nga mga hinabang ngadto han Oplan Sagip Bayan center ha Kalayaan Hall ha Malacaņang. Ginrerepake ini nga mga hinabang ngan ginpapanhatag ngadto han mga pamilya ha Metro Manila ngan probinsya han Rizal nga apektado han kalamidad.

Gawas han kan Lagdameo, tikang an iba nga mga donasyon han masunod: Metropolitan Bank and Trust Co., P5 milyones nga cash; Asia America Initiative, water purifiers ngan sachets nga nakantidad hin P2.27 milyones; Hanjin Heavy Industries & Construction Co. Ltd., P1.013 milyones nga kantidad hin bugas ngan mineral water; Department of Budget and Management (DBM), P962,000 nga kantidad hin plastik nga banig; mga hikaka-on tikang ha PNOC Exploration Corp. nga nakantidad hin P880,769; 500 ka sako hin bugas nga nakantidad hin P625,000 tikang han National Food Authority (NFA); 160 ka kahon hin irinmon ngan mineral water nga nakantidad hin P500,000 tikang ha Coca Cola Co.; distilled water nga nakantidad hin P376,320 tikang ha Euro Med Laboratories Phils., Inc.; P332,400 nga kantidad hin tinapay tikang ha Liwayway Marketing Corp.; balor P250,000 nga groceries tikang kan M/Sgt. Arnel Florian Dado; t-shirts nga nakantidad hin P225,000 tikang kan Mayor Kimi Cojuangco; hamburgers nga nakantidad hin P178,000 tikang han Pampanga Mayor's League; ngan maglainlain nga mga pagkaon nga nakantidad hin P161,576 tikang han Office of the Vice President, labot hin iba pa.

Ginlunsad ni Pangulo Arroyo hadton Lunes an Oplan Sagip Bayan kataliwan maka-igo ha nasud an pintas ni Ondoy. Gin-abrihan niya an ganghaan han Malcaņang para temporaryo ma-estaran han mga biktima. Ginpapalakat an mao nga sentro han Presidential Management Staff ngan han Department of Social Welfare and Development. (PIA-Eastern Samar) [top]

|«  prev  next  »|
DAILY NEWS LIST:
»No need to change school calendar, says Lapus
»Feature: Schools as last option for evacuation shelters
»Tourism sector starts 'Byahe Ta Mindanaw'
»Early completion of Davao 2-storey school building hailed
»Feature: Household of faith, serving the people
»Bandits fall in South Cotabato
»Filing of DOST scholarship application extended
»Kabataan ITO set to be launched
»Hiligaynon News: Bulig sa mga mangunguma biktima ni Ondoy ginmando ni PGMA
»Hiligaynon News: Madasig nga pagpaguwa sang SSS, GSIS calamity loans ginmando ni PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines