Waray-Waray News: UN tagusyado an madagmit nga iginios ug pagbaton han RP han distroso han kalamidad
Manila (8 October) -- Gindayaw han United Nations an kanan goberno binuhat nga kadagmitan nga pagbaton han distroso nga igindurot han bagyo "Ondoy" pinaagi han epektibo nga operasyon agud matabagan an mga naapektaran han bagyo.
Ha iya pamulong durante han paglunsaran han Manila Flash Appeal ha Sofitel Hotel ha Pasay han nakalabay nga adlaw, nagsering hi Dr. Jacqueline Badcock, UN Residente Representative, nga iton pagkakaurusa hit mga Pilipino oras hin sakit, tikang han pinakahagtaas nga mga opisyal ngadto han mga gudtiay nga mga tawo ha komunidad in maupay nga susbaranan ug nakakapamarat hin barahibo.
Gin-uyunan daman ine nga pulong ni Anne Veneman, Executive Director han UN Children's Fund (UNICEF), nga nagsering, angay gud kilalaon an kanan gobeno binuhat, labi na nga hin kadamo man han mga buruligan nga tawo tikang hin kadamo ug maglain lain nga mga lulugar han Manila ug mga probinsiya.
Ginpasalamatan ni Defense Secretary Gilbert Teodoro Jr. an pagkilala han UN han panlimbasog han goberno sugad man han ira tambulig nga ipinaabot labi na kay kulang daw an rekorso han goberno agi han damo nga nagkikinahanglan. (PIA-Eastern Samar) [top]
