Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 24 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/08

Waray-Waray News: Gindayaw han UN an gobyerno han Pilipinas tungod han madagmit, epektibo nga panambulig

Manila (8 October) -- Gindayaw an gobyerno han Pilipinas han United Nations (UN) tungod han madagmit ngan epektibo nga pagdumara hin panambulig ngan pagpadangat hin mga hinabang ha mga lugar nga na-igo han bagyo Ondoy.

Dida han iya pamulong durante han paglunsad han Manila Flash Appeal ha Sofitel Hotel ha Pasay City hadton Oktubre 7, igin-asoy ni Dr. Jacqueline Badcock, usa nga UN Resident Representative, nga nakakahatag hin inspirasyon an iginpakita nga nasudnon nga pagkaurosa, tikang han pinakahitaas nga lebel han gobyerno ngada han mga komunidad.

Amo man gihapon ini an obserbasyon ni Anne Veneman, usa nga executive director han UN Children's Fund (UNICEF). Sering niya nga darayawon gud an igin-gios han gobyerno kon huhunahuna-on nga dudrungan nga natambuligan hini an damo nga katawhan ha magkabulag-bulag nga mga dapit.

Ginpasalamatan ni Defense Secretary Gilberto Teodoro, Jr., chairman han National Disaster Coordinating Council (NDCC), an UN ngan ginkilala an ayuda nga iginhatag hini ha Pilipinas ha panahon nga nakada ha kakuri-an an nasud.

Nahi-una nga ginlunsad an Flash Appeal ha Geneva. Panuyo hini nga makahikay hin $74 milyones nga kantidad hin ayuda, magin cash man o magdirodilain nga klase hin donasyon, tikang ha internasyonal nga komunidad agud matapo an panginahanglan hin maabot Un milyon nga katawhan nga pinakagrabe nga naapektaran.

Ginhingadayan ni Dr. Badcock an kalyap nga rescue operations nga ginlunsad ha gilayon pinaagi han Armed Forces of the Philippines (AFP), mga tinaglawas han gobyerno, Red Cross, Non-government Organizations (NGOs), ngan lokal nga mga boluntaryo.

Madagmit an pagka-abot han mga hinabang tikang han mga departamento ngan mga ahensya han gobyerno, NGOs ngan pribado nga mga indibiduwal, sering niya. Ngatanan daw ini, sering niya, en napabakod pinaagi hin darayawon nga boluntaryo nga pagserbisyo ngan pagkaurosa.

Kondi, bisan pa han determinasyon han katawhan han Pilipinas pagbulig ha ira kalugaringon, an diri ginlalaoman nga kahilu-ag han babaha en diri na sadang maakos han Pilipinas salit kataliwan daw han ebalwasyon han UN Disaster Assessment and Coordination Team bahin han babaha nga igindurot han bagyo ha Metro Manila hadton Septiembre 26, gilayon iginmando an pagtambulig ha Pilipinas, pahayag ni Dr. Badcock.

Sigun kan Dr. Badcock, nakikigkoordinar ngan duok nga nabulig an UN ha NDCC ngan iba pa nga mga ahensya han gobyerno.

Tungod han kaapurado han pinal nga paghurma han mao nga Flash Appeal, diri pa daw nira natatanto an mga panginahanglan han ngatanan nga mga lugar tungod gihapon nga makuri pa mahingadto-an an pira nga pinaka-apektado nga mga lugar, sering ni Dr. Badcock. Pagrerepasohon daw ini hiton masunod nga mga simana agud masiguro nga an mga proyekto ngan an ira pankabug-osan nga estratihiya en nahisusubay hiton pinakabag-o nga datos, pahayag pa ni Dr. Badcock.

Presente gihapon dida hini nga okasyon para batonon an mga pakiana han media hira Social Welfare and Development Secretary Esperanza Cabral, Agriculture Secretary Arthur Yap, ngan Health Secretary Francisco Duque III.

An paglunsad han Flash Appeal en gintambongan han mga miembro han diplomatic corps, mga ahensya han gobyerno, ngan socio-civic organizations, labot hin iba pa. (PIA-Eastern Samar) [top]

|«  prev  next  »|
DAILY NEWS LIST:
»Inflation for September inches up
»Convergence of agencies boosts Monkayo jewelry-makers
»Museum showcases northern Mindanao culture
»Davao Light ships 1st truck-load of donations
»Troops recover IED in encounter with local terrorists
»Army trains 155 new soldiers; female Lumad steals show
»Mati dengue fatalities reach 4
»Lumads seek Army protection vs NPA
»WFP mobilizes choppers, boats and food for relief effort in RP
»Hotel, twin-cinema to rise at Fantasyland in Dapitan
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines