Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 23 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/09

Waray-Waray News: Gin-aadman pa han NDCC an proposisyon pagbulkas han state of calamity

Manila (9 October) -- Iginpahayag han Malacaņang hadton Huwebes nga nagdudumara pa an National Disaster Coordinating Council (NDCC) hin mga konsultasyon ha mga opisyales hin panmuno-an lokal ngan hin lagidgid nga pagrepaso han gidak-on han danyos nga ginbilin han bagyo "Ondoy" ngan bagyo "Pepeng" ha maglain-lain nga dapit han nasud ugsa makagsumiter hin rekomendasyon kan Pangulo Gloria Macapagal-Arroyo mahiunong hin kaparte o pankabug-osan nga pagbulkas han state of calamity ha Pilipinas.

Dida hin usa nga media briefing ha New Executive Building han Malacaņang, nagsering hi Press Undersecretary ngan Deputy Presidential Spokesman Anthony Golez nga diri nag-aapura an NDCC pagrekomendar hin temprano nga pagbulkas han state of calamity tungod nga nagkikinahanglan ini hin tukib nga pag-aram, pagrepaso ngan mga konsultasyon.

Sigun kan Golez, may-ada ginsusunod nga sistema an NDCC ha pag-ebalwar han mga destruso tubtob ha barangay nga lebel kon diin kada lain nga lebel en mangangahulogan hin mag-iba nga koordinasyon. An sugad nga paagi hin koordinasyon amo an ginsusunod yana agud mahibaro-an an tinuod nga mga nanhihinabo ha mga lugar, sering niya.

Sumala ha iya, madepender kan NDCC Chairman ngan Defense Secretary Gilbert Teodoro, Jr. kon mati-onan-o ka temprano an pagrekomendar han pagbulkas han state of calamity. Mahihimo ni Teodoro an mao nga rekomendasyon ha panahon nga matapos na niya an mga konsultasyon ngan an lagidgid nga pagrepaso ngan pag-aram han gidak-on han destruso nga igindurot han duha nga bagyo.

Sigun kan Golez, diri maa-apura an paghimo hin rekomendasyon tungod nga kon paghihimangrawan an NDCC, damo nga mga syudad ngan mga barangay, mga munisipyo, ngan mga probinsya nga nadestruso han kalamidad an kinahanglan susihon hin tiupay ngan maiha daw ini nga proseso, salit diri ha gilayon makikita an klarado nga hulagway kon ano an nahitatabo.

Kondi, gintagan niya hin duon nga ginhihimo ni Secretary Teodoro an ngatanan agud masulbar ha gilayon ini nga problema.

Sering niya nga waray maghatag hin katubtuban nga panahon ha NDCC hi Pangulo Arroyo para han pagsumiter han rekomendasyon bahin han pagbulkas han state of calamity.

Nagsering gihapon hi Golez nga nagdadahom hi Teodoro, komo NDCC chairman, nga nag-iimplimentar na yana an ngatanan nga local government units (LGUs) han ira tagsa-tagsa rehabilitation plans tikang han probinsya ngadto han mga barangay.

Samtang, damo nga mga katig-oban hin mga negosyante an nagpahayag han ira tim-os nga suporta ngan pag-intinde para han ginhihimo han gobyerno hinin panahon han krisis, pahayag ni Deputy Presidential Spokesman for Economic Affairs Gary Olivar. (PIA-Eastern Samar) [top]

|«  prev  next  »|
DAILY NEWS LIST:
»DSWD group homes conduct Family Day activities
»Cebuano News: Comval nakadaginot P375 milyones sa concreting tungod sa road conversion
»Cebuano News: P200-T kantidad sa baka nadawat sa Baranggay Katualan
»SSS Davao processes loans of members affected by flood
»Dabawenyos request more slots for TESDA scholarship program
»Gov wants pro-aerial spraying TF created
»Cooperatives urged to register anew
»Reduced contact hours don't affect quality education, says DepEd
»Davao City gets hot as "Pepeng" comes back
»Capiz PNP earns "very satisfactory" evaluation
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines