Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 21 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/12

Waray-Waray News: PGMA nagmando pagpadarudali han pagproseso han mga insurance claims han mga biktima han bagyo

Manila (12 October) -- Hi Pangulo Gloria Macapagal-Arroyo in nagmando kakulop nga adlaw han National Insurance Commission (NIC) nga malahimuon nga mabayaran dayon an mga insurance claims han mga biktima han bagyo Ondoy ngan Pepeng nga bag-o la nga naka-igo han nasud kun diin nakadistruso hin mga kinabuhi ngan mga propyedad.

An Chief Executive in nakigharuharampang kanda NIC Commissioner Eduardo Malinis ngan Justice Secretary Agnes Devanadera kakulop han aga didto ha Study Room han Malacanang para seguruon nga makukuha han mga biktima han bagyo an mga kalunganayan nga kaangayan nira makuha tikang han ira tagsa-tagsa nga mga insurance companies.

Ginmanduhan gihapon han Pangulo hi Devanadera nga magtukod hin usa nga taskforce nga mabulig han mga biktima ha anoman nga mga legal nga problema nga ira igkakahibalang ha pagkuha han ira mga kalunganayan.

Dida hin usa nga pakigaragtubang ha mga taga medya, nagsering hi Malinis nga an NIC in nakigsabot na ngadto han mga insurance companies han nakalabay nga semana nga padagmiton an pagproseso han mga claims.

Sering ni Malinis, an mga insurance companies in nagpatapod nga makuoperar hira han gobyerno para hin mas madarudagmit nga pag-areglar han mga claims.

Naobserbahan han NIC Commissioner dida han mga karkulo han Philippine Insurers and Reinsurers Association (PIRA), an anay Philippine Insurance Rating Association, may-ada maabot P11-bilyones nga kantidad hin mga claims ha propyedad nga ira nahuhunahunaan tikang han mga biktima han Ondoy ngan Pepeng ngan dugang liwat nga P1-bilyon ha demotor nga mga sarakyan.

Ha ilarum han naeksister yana nga Insurance Code, nagsering hi Malinis nga an mga insurance companies in may-ada talaan nga 30 ka-adlaw pagbayad han mga claimants pakahatag nira han proof of loss. Mahuman han 30 ka-adlaw, an kumpaniya in obligado na pagbayad hin interes para han pagkadelatar. Sering ni Devanadera nga ha ngaran han pagkadelatar pwede gihapon umatubang hin criminal liabilities mahitungod hin diri pagsunod han insurance law.

An mga claimant in mayda duha nga pagpipilian ha pagpasa han ira mga claims. Una, pwede nira igpasa an ira mga claim ha kumpaniya, copy furnished an NIC; ngan ikaduha, pwede nira igpasa an ira mga claim deretso ha NIC ngan igpapasa naman han gobyernor ngadto han ira tagsa-tagsa nga mga insurance companies. Hini nga duha nga mga pagpipilian an gobyerno in makakapanginano ngan makaka-follow up han mga claims han mga biktima.

Ginklaro ni Malinis nga kinahanglan magprisintar hin proof of loss ha pagkuha han mga claims upod hin police report kun diin nagpapamatuod nga may-ada gudman babaha dida han lugar han claimant ngan an ira propyedad in naapektuhan. An claimant in pwede gihapon magdara hin litrato han mga nagkaruruba nga mga propyedad.

Sering ni Press Secretary Cerge Remonde, nga amo an nangunguna dida han press briefing, maabot hin 8,000 nga nga behikulo in nagkaaapektuhan, ngan ini in nadudugangan pa mahitungod han bag-o la nga baha nga dara han bagyo Pepeng ha Northern Luzon.

Ha luyo nga bahin, nagsering hi Devanadera nga mentras mayda taskforce ha ilarum han DOJ para mag-asister han mga biktima, ginsagdunan niya an mga claimants nga kumadto ha ira tagsa-tagsa nga mga insurance companies ngan ngadto ha NIC pagfile han ira claims antis mangaro han ira bulig.

Iya ginesplikar an kanan DOJ papel dida han pagpasa hin criminal charges kuntra hini nga mga nagsasayop nga mga insurance companies nga diri mabayad han mga claims ha sulod hin 30 ka-adlaw sugad han nakatalaan dida han balaud, kun diin dugang pa niya an kanan mando han ahensya in diri mangarawat, magproseso ngan magsolbar hin mga claims ngan mga bayad. (PIA-8/translated by maa) [top]

|«  prev  next  »|
DAILY NEWS LIST:
»PWDs strongly advocate for accessibility and safety at human rights consultation
»Feature: 2nd NHRAP Cebu consultation ends with substantive human rights issues
»PGMA orders immediate relief and rehab in La Union
»SCAAP holds 2009 NSCM celebration and seminar workshop for science club leaders
»Prices of vegetables soar threefold after Pepeng
»Seminar highlights value of product displays in supermarkets and trade fairs
»20th Nutrition Congress to highlight media forum, recognition of Green Banner Awardees
»COPRE'09 to focus on climate change
»Hiligaynon News: (Kinaray-a) PGMA nagmando kang madali nga pagta-o ka benepisyo kag insurance kang mga pamilya nga apektado kang bagyo
»DBP, AAIIBP officers undergo training on Islamic banking
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines