Manila (October 13) -- Si Presidente Gloria Macapagal-Arroyo ning bag-o pa lang mitugot pagpagamit sa presidential plane ug C-130 plane sa Philippine Air Force (PAF) pag-apod-apod sa daghan nga mga relief goods ngadto sa dakbayan sa Baguio ug uban pang mga dapit sa Benguet ug Mountain Province nga mapintas nga naigo sa bagyong Pepeng.

Si Deputy Presidential Spokesperson Lorelei Fajardo nagkanayon nga si Presidente Arroyo gipahibalo nga adunay kakulangon sa abiyo sa bugas humay sa dakbayan sa Baguio, Benguet ug Mountain Province sanglit ang tanan nga mga dalan padulong sa dakbayan sa Baguio dili pa sa gihapon maagian, si Mrs. Arroyo mitugot pagpagamit sa presidential plane ug C-130 plane pagdala sa dugang relief goods ngadto sa mga biktima sa Cordillera Region.

Si Fajardo dugang nagkanayon nga ang kagamhanan nagtuon sa posibilidad pagpadala dinhi sa nasud sa mga utanon human nga ang bagyong Pepeng migusbat sa tighimo sa mga utan nga uma ang Benguet.

Si Fajardo miingonn nga ang sektor sa agrikultura nag-antos pag-ayo sa kadaut nga gidulot sa bagyong Ondoy ug Pepeng.

Samtang sa pikas nga bahin, Agriculture Secretary Arthur Yap miingon nga ang katwahan dili gayud malisang sa kakulangon sa abiyo sa utanon sa Metro Manila gikan sa Cordillera region tungod kay daghan nga mga bahin sa nasud usab nga mga lalawigan ang tighimo sa mga utanon.