Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 22 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/15

Waray-Waray News: Palasyo nagsering hi Pangilinan an kaangayan mangulo han Reconstruction Commission

Manila (15 October) -- Nagsering an Malacanang kakulop nga adlaw nga hi Philippine Long Distance Telephone Co. (PLDT) chair Manny Pangilinan an napili nga mangulo han bag-o la nga gintukod nga National Public-Private Reconstruction Commission mahitungod han iya eksperyensiya pakigtarotransaksyon hin mga negosyo ha langyaw.

Nagsering hin Presidential Economic Affairs Spokesperson Gary Olivar dida hin usa nga press briefing nga an kan Pangilinan "halawig nga eksperyensya in dako an maibubulig han kanan nasud pamiling hin suporta tikang ha langyaw para han pagrehalitar han mga lugar nga nagkaiigo han kalamidad."

Hi Pangulo Gloria Macapagal-Arroyo in nagngaran kan Pangilinan ngada han komisyon dida han Martes.

Ha iya parti, nagsering hi Press Secretary Cerge Remonde nga hi Pangilinan in usa nga respetado nga negosyante, hul-os it kaaradman parti hit iya responsibilidad parti negosyo ha sosyedad.

Ha pagngaran kan Pangilinan bali chairman, sering ni Remonde, ginpapakita la han Pangulo nga an rehalitasyon in diri la responsabilidad han gobyerno kundi pati han pribado nga sektor.

Dugang pa niya nga an reconstruction body in waray gindadapigan nga partido nga magpapakita han ira pagdeterminar han mga prayoridad ngan han implimentasyon han mga proyekto.

"An paniguro para han rehabilitasyon ngan paghingayad in kinahanglan nga mabuligan hin natikang ha iba-iba nga sektor. An pagbaton han may mag-upay nga panuyo nga mga sektor in ginkikinahanglan para maghingaupay an nasud," pagklaro niya.

Ginpasamwak han Pangulo dida han katitirok han mga meyembro han Kabinete dida han Martes ha Pangasinan nga nagpirma hiya hin executive order kun diin gintitindog an espesyal nga Komisyon nga manginginano han pagrehabilitar han inprastraktura dida han mga lugar nga nagkaruruba mahitungod han mga landslides ngan mga babaha nga nagin resulta han mga bagyo Pepeng (Parma) ngan Ondoy (Ketsana).

Hi Finance Secretary Margarito Teves ngan Cebu Archbishop Ricardo Vidal an mga co-chair han Komisyon.

An mga meyembro han komisyon in matikang ha iba-iba nga ahensya han gobyerno, upod an Department of Public Works and Highways (DPWH), mga grupo hin mga negosyante ngan iba pa nga non-government organizations.

An executive order in nagmamando han bag-o nga komisyon nga magin "clearing house" para han ngatanan nga mga ayuda nga natikang ha langyaw para han mga biktima ni Ondoy ngan Pepeng. Ini gihapon in mag-eestudyo han mga kawsa han ka diri normal han panahon, ano an mga angay buhaton para magin preparado an nasud, ngan an kaangayan nga budget para hini nga mga burohanton.

Sering han Pangulo nga kinahanglanon gud nga matukod ini nga special commission mahitungod hit natikadamo nga magkusog nga mga bagyo ngan han kadako han mga danyos nga nagigin resulta hini.

An komisyon in magdudumara gihapon han rehabilitasyon nga programa ngan magpupundar han ginkikinahanglan nga pundo para hini nga panuyo. Amo nga usa han iya mga responsabilidad amo an pakigsumpayan ha United Nations, World Bank, ngan donor countries.

An nagin danyos han duha nga mga bagyo ha inprastraktura in ginkakarkulo nga maabot P4.78 bilyones ngan P12.86 bilyones ha agrikultura. (PIA-8/maa) [top]

|«  prev  next  »|
DAILY NEWS LIST:
»Personal hygiene supplies from US arrive for typhoon victims
»Bantay Lansangan volunteers to hold roadshow in Davao City
»Army condemns killing of lumads
»Manufacturers buoy rebound of exports
»Cost overruns hit P28.5-B as of 2009 Q3
»Partnerships key to fighting hunger, says WFP on World Food Day
»October 17-23 is Anti-Poverty Week
»Feature: Saving cultural heritage, empowering Davao Norte IPs
»Northern Mindanao leads poverty reduction implementation
»Army launches 22 new peace and dev't projects in ComVal
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines