Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 23 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/27

Waray-Waray News: PGMA nagpapasalamat han US han ira $8.5 M nga hinabang para han mga biktima han bagyo

Manila (27 October) -- Ginpasalamatan ni Pangulo Gloria Macapagal-Arroyo an Estados Unidos para han hinabang nga pagkaon nga nakantidad hin $8.5 milyones para han mga biktima han duha nga mga bagyo nga naka-igo ha Pilipinas ha diri pala maiha kon diin nakagdurot ini hin kalyap nga babaha ha Luzon, lakip na an Metro Manila.

Iginpahayag han Pangulo an iya pasasalamat durante han courtesy call nira US Ambassador Kristie Kenney ngan US Secretary of Agriculture Tom Vilsack didto han Music Room han Malacaņang kakulop.

Nadida han mao gihapon nga okasyon hira Department of Agriculture (DA) Secretary Arthur Yap, Department of Foreign Affairs Secretary Alberto Romulo ngan Undersecretary Berna Romulo-Puyat.

Kaupod nira Kenney ngan Vilsack hira Senior Adviser Max Holtzman, Economic Counselor Brian Doherty ngan Press Secretary Caleb Weaver.

Sigun kan Vilsack, igpapahamtang an mao nga ayuda ilarum han US Department of Agriculture (USDA) Food for Progress Program for the Philippines.

Nagsering hiya nga makakagtagana hin pagkaon ini nga donasyon ngadto hin maabot 438,000 nga mga biktima han kalamidad ha nasud sakob hin 60 diyas.

Nasasantop daw han Estados Unidos an importansya han internasyonal nga mga ayuda kataliwan hin mga kalamidad sugad han mga bagyo nga naka-igo ha Pilipinas ha diri pala maiha. Ngan komo maiha na nga sangkay ngan kaalyado han Pilipinas, andam an Estados Unidos pagpadayon han kooperasyon ngan paghatag hin ayuda ha tidaraon pa nga mga panahon, sering niya.

Igdodonar ilarum han USD Food for Progress Program en 7,000 metriko toneladas nga bugas ngan 680 metriko toneladas nga gatas tikang ha US. Igproproseso ini ngadto hin tinatawag nga ultra high temperature (UHT) nga gatas ngan mga biskwit ugsa igpanhatag ngadto han mga biktima han baha.

Nasinganhi hi Vilsack ha Pilipinas komo hepe han US trade mission agud pabaskogon pa an direkta nga sumpayan ha komersyo ha butnga han US ngan mga negosyante ha Pilipinas.

Kataliwan han iya pagbisita ha nasud, masisingadto hiya ha Tsina para makig-api hiton bilateral meetings bahin hiton pagpa-uswag han komersyo ha agrikultura.

Pinakadako nga benepisyaryo an Pilipinas han USDA food aid programs ha Asya, kon diin inabot na an kabug-osan nga kantidad han natagamtaman nga ayuda ilarum han Food for Progress hin $217 milyones tikang han tuig 2000. (PIA-Eastern Samar) [top]

|«  prev  next  »|
DAILY NEWS LIST:
»ASEAN leaders eye intra-regional connectivity
»Reconstruction Commission may borrow from China's $15-B fund
»PGMA, 9 ASEAN leaders cite need for rice reserve
»DPWH Tugbok district completes 2 projects
»LGUs keep KALAHI-CIDDS spirit alive
»Feature: House-building program builds character
»Bureau of Customs XI readies for automation
»Davao Norte to produce rice surplus for Luzon
»IPs to benefit from foreign medical mission
»DA to grant seed subsidies to Davao Norte farmers
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines