Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 24 September 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/10/27

Waray-Waray News: PGMA ginhatag an ika-600,000 TESDA scholarship ngadto hin usa nga Aeta

Porac, Pampanga (27 October) -- Hi Pangulo Gloria Macapagal-Arroyo kakulop nga adlaw in naghatag han ika-600,000 nga scholarship han gobyerno ha ilarum han Technical Education and Skills Development Administration (TESDA), ngadto hin usa nga meyembro han Aeta nga tribo.

An desi-otso anyos nga hi Karen Palo, han Barangay Sapang Uwak, in nakakarawat han scholarship ngan ginkauro-estorya han Pangulo.

Anak ni Barangay Sapang Uwak Captain Solis Palo, hi Karen in nakuha hin computer secretarial nga kurso ha St. Peterís College ha siyudad han Angeles. Hiya in usa han lima nga mga Aetas nga nakakarawat han scholarship.

Nagsering hi Pangulo Arroyo nga an kanan iya administrasyon pundo para han mga scholar han gobyerno in lumapos han alokasyon han nakalabay nga tulo nga mga administrasyon kun igtatarampo. Sering niya nga an iya gobyerno in kumitido pagpauro-upay han mga kinabuhi han mga Pilipino pinaagi han edukasyon.

Sering ni Yolando Olano, Regional Director han TESDA III, nga an gobyerno han Pilipinas in nag-alutaga hin P5.6 bilyon para han kanan gobyerno scholarship nga programa ha ilarum han TESDA.

Dida la ha Pampanga maabot hin por luminos 14,000 an mga scholar. Dugang pa niya nga hini nga 600,000 nga mga scholars, 250,000 na an nagpakagradwar. Kadam-an hini nga mga nangradwar, iya naobserbahan, in nagpakatrabaho na ha langyaw ngan an iba ha business process outsourcing nga mga kumpaniya.

An Pangulo in nag-inspeksyon han nakumpleto na nga 665 x 4 meter nga farm-to-market road (FMR) nga proyekto nga ada gihapon hini nga lugar. Umabot hin 98 nga mga pamilya tikang ha barangay Sapang Uwak an nakabenipisyo tikang han proyekto.

An iba pa nga mga nakabenipisyo amo in 70 nga mga pamilya nga natikang ha barangay Dolores ngan 33 nga mga pamilya tikang ha Miamy Falls nga lugar.

Mahitungod han kakumpleto han FMR nga proyekto dida han Disyembre han nakalabay nga tuig, an mga residente in nakakahakot na hin mga gamit ngan nakakatawag na han atensyon ha mga turista.

An FMR in ginhingayad han Philippine Air Force (PAF) 355th Aviation Engineering Wing ha ilarum han Kalayaan Barangay Project (KBP) han gobyerno.

Kasunod hini an Pangulo in kumadto ha barangay Mancatian kun diin iya gin-inspeksyon an elevated nga tangki hin tubig para makabenipisyo an mga residente han lugar nga magkaada hin malimpyo nga tubig.

An Pangulo in kumadto gihapon ha Barangay San Mitla ngan Salu ngan nag-inspeksyon han proyekto pangayad han kalsada ngan an nakumpleto na nga KBP potable water system nga proyekto.

Sunod kumadto hiya ha Barangay Pulung Santol para mag-inspeksyon han stage nga gintindog para han covered court mentras an PGMA caravan in nanhahatag hin libre nga medical/dental mission para han mga kablas nga mga residente. Dida han iya pagbisita ha Porac, hi Pangulo Arroyo in mapaso nga ginkarawat han mga residente ngan puro hera mga interesado nga makita an kanan nasud lider ha personal.

An KBP in gintukod ha ilarum han liderato ni Pangulo Arroyo ngan ha pagkayana in gin-iimplimentar han Department of National Defense, an Armed Forces of the Philippines ngan han Office of the Presidential Adviser on the Peace Process.

Ini in may panuyo pagtapo han mga panginahanglan han mga kablas nga kumunidad ha magsamok nga mga lugar kun diin problema an kamurayawan ngan kahimyang.

Ini in ginplano para magpasarang han kamurayawan ngan pagpaupay han kapaligiran. Ini in nangangahulugan gihapon han pagtapos han communist insurgency pinaagi han paglunsad han pagpakaupay han kumunidad. (PIA-8/maa) [top]

|«  prev  next  »|
DAILY NEWS LIST:
»ASEAN leaders eye intra-regional connectivity
»Reconstruction Commission may borrow from China's $15-B fund
»PGMA, 9 ASEAN leaders cite need for rice reserve
»DPWH Tugbok district completes 2 projects
»LGUs keep KALAHI-CIDDS spirit alive
»Feature: House-building program builds character
»Bureau of Customs XI readies for automation
»Davao Norte to produce rice surplus for Luzon
»IPs to benefit from foreign medical mission
»DA to grant seed subsidies to Davao Norte farmers
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines