Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 22 June 2018 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2018 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/12/11

Waray-Waray News: Bubulkason an martial law kun matapo na an mga panuyo

Manila (11 December) -- An Martial law nga gindeklarar ha Maguindanao in bubulkason kun umabot na an panahon nga natapo na an mga panuyo kun kay ano ini iginpahamtang.

"Gusto namon tapuson na an martial law dida kun matapos na namon an mga panuyo kun kay ano ini iginimplimentar," sering ni Philippine National Police (PNP) Chief Jesus Verzosa dida hin usa nga panmakiana ha Malacaņang kakulop nga adlaw.

Hi Verzosa ngan han Armed Forces of the Philippines Chief Gen. Victor Ibrado in nakadto ha Malacaņang kakulop para tagan hi Pangulo Gloria Macapagal-Arroyo han pinakabag-o nga nanhihitabo ha Maguindanao.

"Deretso namon hiya nga ginpasabot, nga may pahibaro nga an amon mga trupa in nakakita hin mga armado nga kalalakin-an ngan kinahanglan namon madeterminar kun ini hera in mga civilian volunteer officers (CVOs) o Moro Islamic Liberation Front (MILF). Ginkukumpirmar pa namon ini ha pagkayana," sering ni Ibrado.

Ha iya parti, nagsering hi Verzosa nga nagreport na hera ngadto kan Pangulo parti han mga panhitabo nga rebelyon ngan mga kaso hin panmatay nga iginsampa kuntra han mga Ampatuan.

Nagsering gihapon hi Ibrado nga nagpakiana an Pangulo ha ira parti han morale han mga sundalo kun diin ginbaton niya nga "ngatanan in ada ha maupay nga kaburot-on... ngatanan in ada ha maupay nga kamutangan."

Ginsering gihapon niya nga an kuordinasyon han PNP ngan han AFP in perpekto ngan waray problema.

An Pangulo in nagdeklarar han martial law ha Maguindanao han nakalabay nga Sabado, pira kaadlaw matapos an makangingirhat nga panmatay han maabot 57 katawo nga may upod nga mga taga media ngan kababayen-an.

An deklarasyon, nga nakapahamtang dida han Proklamasyon 1959, in nagsususpendi gihapon han prebilihiyo han writ of habeas corpus dida han probinsya.

An mga Ampatuan, usa nga puderoso nga pamilya dida han probinsya, in amo an gintudlok nga mga suspek dida han makangingirhat nga panmatay nga an pagtikatimpag han puderoso nga pamilya in nagtikang dida han pag-arestoha, kaditiner ngan akusaran para hin 25 counts hin panmatay hi Datu Unsay Mayor Andal Ampatuan, Jr.

An deklarasyon in nahipagmugso mahitungod hin mga report parti hin pipira nga mga armado nga grupo dida han probinsya han Maguindanao kun diin nag-eestablisar hin posisyon hin diri pagsunod han mga trupa han gobyerno, kun diin nakakaulang han tuhay nga pagpadalagan han pamalaud han nahitutungdan. An panuyo hini amo an pagmintinar han kamurayawan ngan seguridad ngan han natikaluya nga kundisyon hini nga nagigin kawsa para magtikaluya o diri na nakakagius ini nga mga nahitutungdan nga sanga han gobyerno nga nagigin kawsa hin kadilikaduhan han seguridad han katawhan."

"An mga element hin rebelyon in nakikita, salit amo an nagin basihan para han proklamasyon han martial law ngan han pag-establisar pagsuspindi han prebilihiyo han writ of habeas corpus," sering ni Executive Secretary Eduardo Ermita dida han turotemprano pa.

Mahitungod hini, kuntrolado han mga pwersa han gobyerno an pagmintinar han pagkaurosa ngan kamurayawan dida han probinsya ngan pag-aresto han mga nagbuhat han panmatay ngan hadton may bayulenti nga mga plano dida han lugar. (PIA-8/maa) [top]

|«  prev  next  »|
DAILY NEWS LIST:
»15 PWDs finish computer skills program
»POEA issues advisory to returning OFWs
»Outstanding volunteer awardees named
»Local terrorists murder another barangay official, says military
»Kehelubong Lemlunay: A feast of exotic culture
»NUCP appeals for justice
»Comval Capitol Christmas bazaar set on December 14-17
»Cebuano News: IP representative gitudlo sa Comval SP
»Mussels from Samar start to regenerate
»Cebuano News: GSO road gibuksan ni PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines