Tacloban (Hulyo 1) -- An Eastern Visayas Region in andam na para han usa ka-bulan nga pagsaurog han National Disaster Consciousness Month yana nga bulan han Hulyo, basi ha Executive Order No. 137 kun diin nakabutang an bulan han Hulyo nga National Disaster Consciousness Month para mapakurokusog an hibabruanan han publiko parti han importansya han paglikay hin mga trahedya, pag-andam ngan pag-iban hini.

Nagpasabot ni Director Angel Gaviola nga ngatanan nga mga ahensya han gobyerno ha nasyonal ngan local nga pamunuan, mga pribado nga organisasyon, pribado nga sektor, media, academe ngan iba nga mga stakeholders nga nagtratrabaho pagpasarang han kaupayan para han publiko, seguridad para han katawhan ngan pagprotiher han kalibungan in napartisipar han iba-iba nga mga aktibidades ha ilarum han tema ng "Pag-alerto, Malayo sa Peligro."

An kanan yana nga tuig tema, "Pag-alerto, Malayo sa Peligro" in nakapahamtang para diri magkaada hin kaswalidad ha oras hin kalamaidad, sering ni Director Gaviola.

Dida han mga aktibidad nga iginrekomendar amo an pagbutang hin mga streamer kun diin nakapahamtang an tema; pagpasalida ngan photo exhibits; symposium o forum kun diin ipapahamtang an paglikay hin trahedyo ha butnga hin mga kalamidad ngan ehersisyo kun tipaunanho ini bubuhaton; poster making, essay writing ngan drawing contests; pagtanum hin kakahuyan; ngan han Search for the National Gawad Kalasag (Kalamidad at Sakuna Labanan, Sariling Galing and Kaligtasan).

An Kalasag in Pilipino term para han "shield" kun diin gingagamit han mga Pilipino bali proteksyon tikang han mga pagsulong han mga kaaway o mga delikado nga mga kahayupan. Bahin hini, an Gawad KALASAG in gin-organisar para maprotihiran an mga kumunidad kuntra hin mga kadelikaduhan pinaagi hin pag-aghat han partisipasyon han iba-iba nga mga stakeholders pagdesenyo ngan pag-implimentar han Disaster Risk Management (DRM) nga mga programa.

An Gawad KALASAG in iginpailarum hin mga prinsipyo, kun diin upod dinhi an: pagpartisipar han mga stakeholder, pagklaklaro, pagigin makasi-kasi ngan moderno, pakikig-urosa, pagigin independente, ngan an pagkakaada han espirito han pagbubuluntaryo.