Waray-Waray News: Binay nakigsayo kan P-Noy dida san seremonyas sa paghurar
ni Ailene N. Diaz
Manila (1 July) -- Ginhimo ni Bise Presidente Jejomar Binay an kanya paghurar kahapon sa atubangan liwat ni Supreme Court Associate Justice Conchita Carpio-Morales minutos la antes maghurar si Presidente Benigno "P-noy" C. Aquino san nasabi nga mahistrado san alas dose san umodtu sa Quirino Granstand, Rizal Park sa Manila.
Ginbutang ni Binay an kanya kamot sa bawbaw sa Bibliya nga ginkakaptan san kanya asawa, an dati nga Mayor san syudad san Makati, Mayor Elenita Binay, myentras siya nag-aasoy san panaad dida san batakan balaud sa atubangan ni mahistrado Morales.
Kahuman sin simply nga seremonyas, si Binay in gin congratulate ni Presidente Aquino, mga myembro san pamilya ngan iba pa nga opisyales kaapi na an dati Presidente Joseph Estrada.
Antes pa sa umudto nga paghurar, si Binay in nag-atender ngun-a sin misa sa Manila Cathedral temprano pa sa aga, Tikang sa katedral, si Binay nagdiretso ngadto sa Manila Hotel ngadto san paghatag sa iya sin go-signal pagpakadto sa Quirino Grandstand.
Sa paglarga ni President elect Aquino ngan Presidente Gloria Macapagal Arroyo sa Malakanyang pakadto san inagurasyon, si Binay in sumakay san Makati-made electric jeepney pagtipakadto sa Luneta Grandstand.
Si Binay an nagliwan kan dati Bise Presidente Noli de Castro matapos siya magdaug san promero nga menakina nga piniliay sa naglabay nga Mayo.
Kaapi san mga tagsuporta kan Binay nga naimdan didto san inagurasyon mao an mga residente sa Makati ngan maabot 500 nga mga myembro san Alpha Phi Omega fraternity. (PIA-Northern Samar) [top]
