PIA Press Release
2010/07/02
Waray-Waray News: P-Noy nagsering ngadto han mga Pinoy ha Estados Unidos, Canada: Buligi ako
Manila (2 July) -- Dida han iya primero nga adlaw ha opisina kakulop, mapaso nga ginkarawat ni Pangulo Benigno "P-Noy" Simeon C. Aquino III ha Malacaņang in maabot 200 nga mga Pilipino nga immigrants nga natikang ha Estados Unidos, Guam, Saipan, Canada ngan Australia ngan naghangyo ha ira nga "buligi ako niyo mahitungod nga damo it kaangayon buhaton para han aton iroy nga tuna."
Ginupdan han mga opisyal han Commission on Filipinos Overseas, an mga balikbayan in nagtirok didto ha Heroes Hall, kun diin ini hera in puro nalilipay han ira pakigkita han Pangulo dida han iya una nga adlaw ha Palasyo ngan ginlamano hiya ngan nagpatapod han ira suporta para han iya administrasyon.
Sering han Pangulo han iya mga bisita: "Nagpapasalamat ako ha iyo ngatanan han iyo pagtuyo pagkanhi kun diin dako an iyo gastos para la magpaabot ha akon hin kaupayan ngan lamanohon ako. Pero gusto ko aruon an iyo suporta ngan iyo bulig para han kaupayan han aton iroy nga tuna."
Gintagan niya hin opurtunidad an mga immigrants nga makipaglitrato pinaagi hin grupo-grupo kun diin kaupod hiya.
Kahuman hini, hiya in pumakadto na ha Rizal Hall para magpalitrato kaupod an mga meyembro han iya Kabinete upod han ira tagsa-tagsa nga pamilya. An mga meyembra han Kabinete amo hera Secretary Alberto Romulo, han Department of Foreign Affairs; Cesar Purisima, han Department of Finance; Leila de Lima, han Department of Justice; Rogelio Singzon, han Department of Public Works and Highways; Armin Luistro, han Department of Education; Rosalinda Baldoz, han Department of Labor and Employment; Gregory Domingo, han Department of Trade and Industry; Paquito Ochoa, Executive Secretary; Dinky Soliman, han Department of Social Welfare; Proceso Alcala, han Department of Agriculture; Virgilio de los Reyes, han Department of Agrarian Reform; Alberto Lim, han Department of Tourism; Ramon Jesus, han Department of Environment and Natural Resources; Enrique Ona, Department of Health; Jose de Jesus, Department of Transportation and Communication; Mario Montejo, Department of Science and Technology; Florencio Abad, Department of Budget and Management; Rene Almendras, Department of Energy; Edwin Lacierda, Spokesperson; Eduardo de Mesa, Presidential Legal Counsel; Ging Deles, Peace Process ngan Julia Abad, Presidential Management Staff. (Translated by: PIA8/maa) [top]
|
