Waray-Waray News: Lacierda ginklaro an mando san Palasyo matungod san opisyales ngan personahe nga mga co-terminus
ni Ailene N. Diaz
Manila (2 July) -- Ginpagawas kahapon ni Presidential spokesman Edwin F. Lacierda an ginhamis nga bersyun san Memoradum Circular Numero Uno, nga nagkaklaro san isyu san kahimtang o estado san mga opisyales san gobyerno ngan contractual personnel kon diin an appointment in nag expire san Hunyo 30 sa pagtapos san administrasyon ni Arroyo.
Sugad ni Lacierda, lain san pagkadeperensya sa linguahe, an ginhamis nga bersyun in haros pareho la an sulod ngan espiritu san una nga bersyun san Circular nga ginpirmahan sa una nga adlaw, Hunyo 30 san bag-o nga Executive Secretary Paquito N. Ochoa, Jr.
Waray konplikto san duha, an unod san nauna nga MC in ada ta, sugad ni Lacierda, sa iya paghatag san kopya san MC numero uni ngada sa media, gin-isyu ngan ginpirmahan ni Ochoa sa pareho nga adlaw.
Si Lacierda nagtawag sin news briefing para ayuson an mga pangutana san unod ngan tinguha san nasabi nga promero nga ginpagawas nga circular san Malakanyang.
Durante san briefing, gintagan duon ni Lacierda an pinasikaran san mando ngan an sayo ka bulan nga pag isul sini nga ginhatag san personahe san executive department nga yaun appointment co-terminous san administrasyon ni Arroyo in tungod san kakinahanglan san serbisyo ngan mapaseguro an padayon san operasyon san gobyerno, pag proseso san opisyales ngan transaksyunes ngan dida liwat san pagpahamtang san serbisyo ngada san mga tawo.
Dida san Circular gindeklarar nga epektibo Hunyo 30, 2010 bakante an ngatanan nga third level nga mga posisyon nga gin ookuparan san opisyales (directors, assistant secretaries ngan undersecretaries) nga yaun co-terminous nga appointments san naglabay nga administrasyon.
An MC naghahangyo liwat san non-career officials ngan iba pa nga service contracted personnel nga ipadayon an kanra serbisyo abot sa Hulyo 31, 2010. (PIA-Northern Samar) [top]
