Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 18 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/07/06

Waray-Waray News: P-Noy ngadto san PAF: Magsunod san ka propesyonalismo ngan utilitaryanismo

ni Ailene N. Diaz

Manila (6 July) -- Si Presidente Benigno "P-Noy" C. Aquino III kahapon an aghat san Philippine Air Force (PAF) nga magsunod san konsepto san propesyonalismo ngan utilitaryanismo sa kanra mga ginbubuhat ngan san paggamit san kon nano an yaun sira para ma promoter an kaupayan san nakadadamo.

Sa kanya pagbagaw san ika 63 nga anibersaryo san PAF sa Jesus Villamor Air Base, an Presidente nasugad nga an mga reporma nga pagbubuhaton sa kanya administrasyon mag kokonsiderar sini nga konsepto tungod san limitado nga resources.

An pondasyon sini ngatanan mao an gintutumuyo san administrasyon mapauswag an ekonomiya kon diin ginkikinahanglan an mainuswagon nga sitwasyon san kamurayaw ngan katadong.

Gintagan duon ni Presidente Aquino an duha nga dagko nga obligasyon san PAF kaapi na an pagdepensa sa teritoryo ngan pagbaton san kalamidad. Kinahanglan i-review ngan i-plano kon paunanho ipapakusog an kaandam san pasilidad.

An Presidente nagdayaw san PAF san maupay sini nga pagtrabaho durante san naglabay nga piniliay sa Mayo 10, nga sa luyo san mga ayat, ini nakagtrabaho subay san ginmamando.

Sa yana nga iyo anibersaryo, sugad ni Aquino, karuyag ko hibaruan niyo nga an iyo Presidente ngan igkasi Filipino in nagdadakag san trabaho nga iyo ginhihimo. Sa piniliay, ginhimo niyo an mando sa iyo nga waray pamulitika. Kon nano nga kadasig an iyo ginpakita san iyo combat operations, mao lat iton an iyo ginpakita san iyo pagpaid sa panahon san kalamidad.

An namumuno san nasud nasugad nga an bug-os nga pwersa armada kaapi na an PAF, in kinahanglan mamoderno para ini makagbuhat san igin mamando nga mao an pag mentinar san kamurayaw ngan seguridad.

Para san PAF, sugad niya, yaun sin madagmit nga panginginahanglan pag upgrade san makinarya nga ekepahes, pamalit san kinabag-o nga air assets ngan surveillance equipment.

Nagpahayg an Presidente sin pagtapod nga pinaagi san liderato ni PAF Chief Lt. Gen. Oscar Rabena, ini nga mga plano para san PAF in matutuman.

Sa kadugangan, sugad san Presidente, siya natuod nga an ka epektibo san bisan nano nga organisasyon san military in nadepende san mga opisyales ngan katawhan sini nga yaun bug-os nga pagtoo ngan pagtapod nga sira tatagan san ginkikinahanglan para hinuon an trabaho; tikang san armas ngan ekipahes, ngadto sa panimalay ngan pag-ataman pagtaga lawas. An tama nga relasyon sa butnga san katawhan ngan military aada kon yaun pagtapod, ngan ini nga pagtapod madepende san strategic harmony." Ini an ginbagaw san Presidente.

An pangunahon nga pilosopiya, in nasugad, waray magiging tama nga solusyon kon wara tuang nga pagkita san problema. Si Defense Secretary Gazmin in nagbubuhat sa akon direktiba, komprehinsibo nga pag review san damo nga aspeto san aton national defense, sini nga ginhuhuna huna nga oryentasyon, karuyag ko ipasabot sa iyo nga kon an akon pag-laum sa iyo in hitaas, ini tungod kay an paglaum man liwat san katawhan in hitaas. Diak maghihimo sin buwa nga saad sa iyo ngan magbabagaw sa iyo para la makahimo sin positibo nga headlines. Ini an dugang nga yakan san Presidente. (PIA-Northern Samar) [top]

|«  prev  next  »|
DAILY NEWS LIST:
»Gov Cagas vows graft-free administration
»PAGASA Davao gets weather balloon
»Philippine Army acquires life-saving helmets, medicines from US
»Patronize fair trade products, advocates urge consumers
»Feature: 12th SP bequeths landmark legislations for Davao Oriental
»Davao Oriental vice gov calls for strict implementation of logging, mining laws
»KALAHI-CIDSS brings relief to Ata women of Talaingod
»Panabo mayor takes oath for 2nd term
»Cebuano News: Maduao nag-inagurar sa bag-ong Health Center atol sa pagselibrar sa Araw ng Barangay
»Tagalog News: Expanded Senior Citizens Act magkakabisa ngayon
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines