Waray-Waray News: Palasyo naghingita sin tulo ka bulan pa nga pag-isul san termino san mga ambahador
ni Ailene N. Diaz
Manila (6 July) -- Si Executive Secretary Paquito Ochoa, Jr. ngan Foreign Affairs Secretary Alberto Romulo in nagkasayo pag rekomendar ngadto kan Presidente Benigno "P-Noy" C. Aguino III para sin tulo ka bulan nga pag-isul o extension san termino san mga ambahador nga yaun appointment nga co-terminous san dati Presidente Gloria Macapagal Arroyo nga yaun nala kunta tubtub sadton Hunyo 30.
An rekomendasyon in ada na sa lamesa san Presidente.
Sugad ni Ochoa, siya ngansi si Secretary Romulo in nag-esturya ngan nagsabot nga magrekomendar nga maisul an termino san mga ambahador sin pepera pa ka bulan kay diri ta karuyag mapuktol an relasyon diplomasya sa iba nga nasud.
Damo an mga pending nga mga transaksyunes, pending nga mga problema nga angay pa batunon ngan ini diri pwede ma ulang sin simply nga pagkuhaa sa kanra, dugang ni Ochoa.
An tulo ka bulan nga extension in ma expire sa Setyembre 30, kon diin siton nga panahon, ginlalauman nga matatapos na an mga trabaho sini nga mga opisyal.
Sugad ni Ochoa, yaun 21 nga mga political ambassadors nga ada sa aktibo nga serbisyo. Sugad san Department of Foreign Affairs, kadam-an sini nga mga opisyales in nanguli na. An iba sa ira mao sira: Ambassador to Iran retired Gen. Generoso Senga, Alejandro del Rosario (Warsaw), Acmad Omar 9Oman), Masaranga Umpa (Nigeria), Alexander Yanu (Brunei), Rigoberto Tiglao (Athens), Antonio Villamot (Riyadh) ngan Domingo Siazon (Tokyo). (PIA-Northern Samar) [top]
