Waray-Waray News: P-Noy nagmando han PNP nga manginano han pamatay han mga aktibista
Manila (7 July) -- An Malacaņang in nakigharampang ha mga stakeholders ngan nanhihitungdan nga mga ahensya nga maghimo hin praktikal nga plano nga maukoy na it nanhihitabo nga "extrajudicial killings."
Dida hin usa nga pakigharampang ha mga taga media kakulop han kulop, hi Presidential Spokesperson Edwin Lacierda in nagsering nga hi Pangulo Benigno C. Aquino III in nagmando han nangungulo han Philippine National Police (PNP) nga hi Gen. Jesus Versoza nga maghimo hin mga pitad pagsolbar hini nga mga nanhihitabo nga extrajudicial nga mga panmatay.
Nagpagawas hi Lacierda hini nga pahimatngon kasumpay han nahitabo nga pagpatay kan Bayan Muna coordinator Fernando Baldomero ha Kalibo, Aklan dida han Lunes (Hulyo 5), an pinaka-una ha ilarum han administrasyon ni Aquino.
Sering ni Lacierda nga ha pagkayana gin-eestudyohan ngan ginpapanginano han PNP ini nga mga bag-o la nga nanhitabo nga mga krimen.
Basi dida han primero nga report ni Gen. Versoza, nagsering hi Lacierda nga "igpapadayon namon an panginano para maghingaupay an pagsolbar hini nga extrajudicial nga mga panmatay."
"Maghihimo kami hin mga pamaagi pagsolbar hini nga estrajudicial nga mga panmatay ngan ini in segurado, an administrasyon ni Aquino ngan Pangulo Aquino, nga biktima gihapon hin human rights violations, in diri matugot nga may manhihitabo nga extrajudicial nga mga panmatay ha ilarum han iya administrasyon," sering ni Lacierda. (Translated by: PIA8/maa) [top]
