Manila (8 July) -- Segun han report han National Statistics Office (NSO) humabubo ha 3.9 percent an presyo han mga nagunguna nga papliton han Hunyo kun itatanding han 4.3 percent han naglabay nga Mayo.

Ugaring segun gihapon han NSO, humitaas hin guti ha 3.2 percent an presyo han mga pagkaon sama han bugas, karne ngan bunay.Humitaas gihapon an baraydan ha tuition ha eskoylahan.

Ha pagbana-bana han Budget Secretary ha UP nga hi Profession Benjamin Diokno, posible daw magpadayon an kahabubo han presyo, samtang mapadayon an 4 percent an inflation rate ha tikatarapos an 2010.

Samtang, ginhingadayan naman ni Bangko Sentral ng Pilipinas Governor Amando Tetangco Jr. nga an inflation yana nga Hunyo in tala la nga na umento ha pagtuo han BSP nga 3.8 ngadto 4.3 percent.

Ha probinsya han Samar, umabot ha 1. 4 percent an inflation rate segun han NSO. Mas habubo daw han kanan naglabay nga bulan nga umabot ha 2.2 percent. Posible daw ini dara han kamahinay han pagmahal han fuel, light ngan water index.

An kabarato daw han mga presyo han fuel, kuryente, bugas ngan mais han bulan han Mayo an kawsa han sugad nga inflation rate.

Humabubo daw an mga electric bills ha 6.5 percent han Mayo dara nga an power source in tikang ha Independent Power Producers samtang an Wholesale Electric Spot Market in humabubo; ha Samelco naman humabubo gihapon an generation charge.

An bugas naman, dara daw han maupay nga ani, humabubo an presyo komo nakakuha daw hin 3.32 million metric tons.