Waray-Waray News: Luistro maghihingaday ha media han DepEd priorities
Manila (9 July) -- Isip "peace offering" ha mga beat reporters ha sektor han edukasyon, iimbitaron ni Department of Education (DepEd) Secretary Armin Luistro hin usa nga meeting-cum press conference han July 9, 2010 an mga taga media.
Segun hin advisory nga iginpagawas han DepEd Communications Unit, magkakamay-ada "light moments" an Sekretaryo kaupod an taga mantalaan.
Paghihingadayan daw gihapon ni Luistro ha media an iya syahan nga semana komo bag-o nga DepEd secretary, an kabug-usan nga sitwasyon han edukasyon ha Pilipinas, sugad man an mga problema nga angayan i-prioritze.
Manunumduman nga umaro na hin pasaylo hi Luistro ha media han tawagon niya hira nga "nuisance."
Ha ginbuhat nga flag-raising ceremony han opisina han DepEd ha Pasig, inamin ni Luistro ha mga mga media ngan empleyado nga an nahitabo amo in "baptism of fire" ha iya salit iya ginhangyo an nag attended nga tagan manta hiya hin gutiay nga panahon aber ma estudyaran niya an mga kinahanglanon ha iya bag-o nga posisyon. (trans PIA-Samar) [top]
