Waray-Waray News: P-Noy nakatalaan pagtudlok han mga mangugnuna nga mga opisyal han grupo han komunikasyon
Manila (12 July) -- Hi Pangulo Benigno Aquino III in nakatalaan pagpasamwak yana nga adlaw han straktura, han mga mangunguna nga mga opisyal ngan mga meyembro han iya kumunikasyon nga grupo.
Dida hin usa nga panmakiana ha kanan gobyerno nga estasyon ha radyo, nagsering hi Presidential Spokesman Edwin Lacierda nga nakagporma na hi Pangulo Aquino han iya kumunikasyon nga grupo dida hin usa nga meeting han Biyernes, nga usa nga opisyal nga pasamwak in ipapagawas yana nga adlaw.
Nakapahamtang ha mga national media nga an anay transportation official Herminio Coloma ngan news anchor Ricky Carandang in nakikita nga amo an mangungulo han bag-o nga estraktura han Office of the Press Secretary, nga babag-uhon an ngaran ngadto ha Department of Public Information.
Pero ginklaro ni Presidential Spokesman Lacierda nga waray pa opisyal nga pasamwak parti hini nga pagtudlok kanda Coloma ngan Carandang ngadto han Communications Group. Pero ha luyo nga naorganisar na an grupo dida han Biyernes han gab-i, sering ni Lacierda nga an pag-anunsyo han estraktura in ipapagawas yana nga Lunes.
May mga pasamwak nga hi anay Presidential Management Staff chief Herminio "Sonny" Coloma, nga nagserbi ha ilarum han kan Pangulo Cory Aquino administrasyon, in nakatalaan pagkapot han media operations.
Hi anay ABS-CBN News Channel (ANC) news anchor Ricky Carandang, ha luyo nga bahin, amo an mag-eestratehiya ngan magpapahamtang han kanan gobyerno mga mensahe.
An grupo amo an magkukuntrolar han Philippine Information Agency, mga pangobyerno nga estasyon han TV ngan radyo, labot la han iba pa. An Presidential Spokesman in mahingangada ha ilarum han Communications Group, ngan diri ha ilarum han Opisina han Pangulo.
Ha luyo nga bahin, ha usa nga ABS-CBN nga pasamwak in nagsering nga an television host ngan kulumnista nga hi Manuel "Manolo" Quezon III in matimpo gihapon hini nga communications group ni Pangulo "Noynoy" Aquino III.
Hi Quezon, an apo ni anay Pangulo Manuel L. Quezon, in bumul-iw tikang ha ABS-CBN News Channel dida han Sabado, Hulyo 10. Usa nga kilala nga historian, hi Aquino an napili bali spokesman para han inagurasyon ni Aquino. Tikang hadto, hiya in on leave tikang han iya ANC show nga "The Explainer."
Nahisurat gihapon dida han Philippine Daily Inquirer nga hi Quezon in on leave gihapon tikang dida han iya column "The Long View." (Translated by: PIA8/maa) [top]
