Waray-Waray News: BIR ha Eastern Visayas nagsobra han periodic goal hin 19.51%
Tacloban City (July 13) -- Iginpahayag han Bureau of Internal Revenue (BIR) Eastern Visayas an kamabaskug hini.
Segun kan BIR Regional Director Alert Alocilja an ira buhatan, basar han petsa 23 han Hunyo yana nga tuig in nagsobra han ira collection target tikang ha Enero ngadto ha Hunyo hin 19.51 percent.
Kun itatanding han sugad nga mga bulan han naglabay nga tuig, may-ada pag umento hin P467.86 million kon 31% increase, sumala kan Director Alocilja ha iya pagpahayag ha Harampang Ha PIA media forum.
Kaupod ni Director Alocilja ha Harampang hira Tacloban Revenue District Officer Imelda Cebuano ngan Samar Revenue District Officer Rolando Espina, komo syhana ngan segunda nga top collectors ha rehiyon.
An Tacloban Revenue District nga pinangungunahan ni Revenue District Officer Imelda Cebuano in naka record hin excess nga P326 Million ha iya Hunyo nga target kon umursa hin 54.47 percent.
Samtang hi Samar Revenue District Officer Rolando Espina in nagsobra hin P77.5 Million kon umento nga 47.05 percent.
Nagpasalamat naman hi Alocilja han mga taxpayers nga naging kawsa han kahingpit han ginbuhat nga koleksyon han buhatan.
Samtang iginlansar gihapon han BIR an programa nga Handang Maglingkod Program nga nagparugdog han frontline services han ahensiya pinaagi han Taxpayers Lounge kon Taxpayers Service Area nga diin an mga kliyente in gin-aatenderan.
Hadto gihapon nga Harampang, iginpasamwak ni Director Alocilja an pagkamay-ada Taxpayers Service Area han Samar Revenue District Office ha Catbalogan. (trans PIA-Samar) [top]
