Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 18 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/07/16

Waray-Waray News: PNoy gintudlok an UP Law Dean para mangulo han negosasyon ha MILF

By Marivic A. Alcober

Manila (16 July) -- Hi Pangulo Benigno C Aquino III in gintudlok an University of the Philippines College of Law Dean nga hi Marvic M.V.F. Leonen nga amo an mangulo han bag-o nga gintukod nga negotiating panel para ibalik an peace talks ngadto han Moro Islamic Liberation Front (MILF).

Iginpasamwak ni Presidential Spokesman Edwin Lacierda an katudlok ni Leonen kakulop nga adlaw dida han kanan Malacaņang Press briefing, nga gin-atinderan gihapon ni Presidential Adviser on the Peace Process Secretary Teresita "Ging" Deles ngan han bag-o la nga gintudlok nga chief negotiator nga hi Leonen.

Dida hin usa nga pahayag nga ginbasa ni Lacierda, nagsering hi Pangulo Aquino nga kumitido hiya nga magkaada hin kumprehensibo, patas ngan matiwasay nga solusyon ngadto hini nga situwasyon ha Mindanao. "Salit temprano hiton akon termino, nagtudlok na ako hin mga tawo nga makumponi han peace panel nga amo an magpapadayon han hurohimangraw ngadto han MILF," sering niya.

"Nagdumara ako hin panaad ha kunstitusyon nga ?tatagan ko hin patas nga hustisya an ngatanan'. Ini in akon pagbubuhaton. Salit, ginmanduhan ko an yana nga Dean han UP College of Law, nga hi Dean Marvic M.V.F. Leonen, nga maaram kun ano an karuyag sidngon hini, nga amo an manginano hini nga hurohimangraw ngadto han MILF ngan amo an mangulo han kanan gobyerno negotiating panel. An iba nga mga meyembro han panel in igpapasamwak ha diri maiha nga panahon," sering han Pangulo.

Hi Leonen in nag-gradwar bali magna cum laude tikang ha University of the Philippines nga may degree in A.B. Economics. Kahuman hini nakakuha hiya hin Bachelor of Law nga degree tikang han amo la gihap nga unibersidad. Hiya in mayda Masters degree ttikang ha Columbia University School of Law ha New York. Ha pagkayana, hiya in vice-chair han Constitutional Law Department of the Philippine Judicial Academy.

Dida han iya nakalabay nga mga gius pagpasarang hin kamurayawan, nakiusa hi Leonen pag-organisa hin peace consortium ha mga unibersidad, kun diin kadam-an hini in natikang ha Mindanao.

Dida han press briefing, nagpatapod hi Leonen nga hiya in kumitido para manginano han mga panginahanglan parti han negosasyon sugad man han pagpasabot han publiko han dalagan han negosasyon. Dugang pa niya nga an peace panel in strikto nga magsusunod han nakatalaan dida han kunstitusyon.

"An gobyerno han Pilipinas in mayda kunstitusyon. Ito nga kunstitusyon in diri sobra kalimitado para tugutan nga sumulod an kamurayawan, pero ini hiya in mayda kalugaringon nga kritikal nga kunsepto, ngan usa hini in nagsesering nga an pagigin independente in aada ha mga katawhan. Dida hit amon pagbantay, kami in magigin tuptup ha kunstitusyon," sering ni Leonen.

Sering ni Secretary Deles, hi Leonen ngan han iya grupo in gintagan hin mga pahitmatngon tikang han Pangulo nga panginanuon an mga nakalabay nga mga ginkasarabutan, mga records ngan mga dokumento para manginano kun ano an angay paghurohimangrawan han duha nga mga panig.

"Iginkahurohimangraw na ako han pipira nga may kalabutan hini nga kunsultasyon kun tipaunanho namon ini mapapadalagan, pagpakita kun hain kami magtitikang ngan panginano kun hain it diri namon pagkakaasyahan," sering niya.

Sering ni Deles nga gin-aprobaran na han Pangulo an pag-establisar hin usa nga advisory body para han iba-iba nga mga peace panels, kun diin matikang ha mga kongresista han lehislatura, mga meyembro han 1987 Constitutional Commission, mga nagretiro na nga mga Chief Justice han Supreme Court, mga representante ha mga lokal nga pangobyernoha, ngan an anay mga chair han kanan gobyerno negotiating panel.

Dugang pa niya nga an peace panel in magtatawagtawag ngadto han advisory body parti han dalagan han negosasyon.

Sering ni Deles, magdudumara gihapon hera hin pagkatitirok han mga civil society peace advocates para madeterminar an straktura nga mekanismo para makaseguro hin padayon nga kunsultasyon ngan mga pamaagi para hul-o nga manhiapi an mga nahitutungdan nga mga sektor, mga kumunidad ngan peace constituencies. (PIA8) [top]

|«  prev  next  »|
DAILY NEWS LIST:
»Dialogue set to ensure zero-crime, zero-clashes during PNoy SONA
»Phivolcs: Events like 1990 Luzon earthquake should keep people on their toes
»PIA invites Aklan schools to attend journalism seminar-workshop
»Dean sa UP Law napiling mangulo sa peace negotiation
»Cebuano News: PNoy mibisita sa mga namatay nga sundalo sa Isabela
»Cebuano News: PNoy subling makigsulti sa Muslim rebels
»Cebuano News: Tag-iya og prendahan nga may mahalong auto apan way bayad-bayad og buhis maoy labing unang gikasohan
»Waray-Waray News: PNoy gintudlok an UP Law Dean para mangulo han negosasyon ha MILF
»Tacloban gears up for search and destroy operations in dengue hotspots
»Cleanliness and sanitation best prevention against dengue, DOH 8 says
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines