Waray-Waray News: AFP iginpahayag an kaupayan han 'Bantay Laya'
Tacloban City (20 July) -- Iginpahayag han Armed Forces of the Philippines (AFP) an mga kaupayan nga igindurot han Internal Security Campaign Plan nga "Bantay-Laya" tikang han paglunsaran hine may walo na ka tuig an nakalabay.
Sumala han report nga iginpagawas ni Brig. Gen. Francisco N. Cruz Jr., commander han kanan AFP Civil Relations Service, an kampanya nga iginlunsad hadton 2002, in nagresulta han pasigi nga pagluya han pwersa han Communist Party of the Philippines (CPP) ug an ira mga sundalo nga New People's Army (NPA).
Niyan han 2002, an pwersa daw han CPP-NPA in nakada ha 9,260 ug han yana daw masasabi nga 50-porsento nga iginhibubo.
An CPP-NPA in hadto nakakaapektar hin 2,395 nga barangays 2002, kundi hinabubo ine ngadto hin 57 ka porcento, ug nagin 1,017 nala niyan han Marso han 42,025 nga barangay han nasud.
An kanan kampanya Civil Military Operations (CMO) component an naghahatag han mas importante nga papel han combat operations, kay gintatagan hine hin atensyon an mga aktibidad nga makakabulig han mga tawo han ira panginahanglan ngan dire na batonon an pan recrut han mga CPP-NPA-NDF. (PIA-Eastern Samar) [top]
