Manila (26 July) -- Iginpahamtang ni Presidente Benigno C. Aquino III an bag-o nga mag mamangulo han Philippine Army han naglabay nga Biyernes nga amo hi Major General Arturo B. Ortiz.

Hi Ortiz, usa nga nakatagamtam hin Medal for Valor, nga amo daw an gihahataasi nga medalya nga nakukuha ha Armed Forces of the Philippines (AFP) in sumaliwan kan Lt. Gen. Reynaldo Mapagu, nga na promote naman komo AFP Vice Chief of Staff. Hi Ortiz in 53rd chief han Army.

Gintambungan ni Presidente an change of command ceremony ha Army headquarters ha Fort Bonifacio.

Gintapo naman hin malipayon han mga opisyal, enlisted personnel ngan civilian employees an kan Ortiz pag asumer dara han iya kwalipikasyon.

Iginpahamtang gihapon ni Ortiz an mga buruhaton han Army, kaapi na hini an Internal Security Operations (ISO), pagsurapo han mga terrorist groups, ngan suporta han mga inisyatibo pankamurayaw ha gobyerno.

Igin saad gihapon ni Ortiz an kanan army non-traditional nga buruhaton sama han disaster relief operations, environmental protection ngan community development activities.

Hi Ortiz in miembro han Philippine Military Academy (PMA) Class 1979, hiya gihapon in usa nga bemedalled Army officer. Ngani adi nga iya Medal for Valor Award, in iginhatag ha iya ni anay Presidente Corazon Aquino han 1990.

Hi Ortiz in anay naging Commander han Special Operations Command (SOCOM) han Philippine Army. Hiya gihapon in naging Regiment Commander han Special Forces Regiment (Airborne) (SFRA), Chief han AFP Command Center, Tactics Group ngan Commandant of Cadets ha Philippine Military Academy, Commanding Officer han Security and Escort Battalion han Philippine Army, ngan Commanding Officer han 3rd Special Forces Battalion.