Manila (July 28) (PNA) -- Hi Defense Secretary Voltaire T. Gazmin in napabor nga ibalik an Reserve Officer?s Training Course (ROTC) nga programa dida han college curriculum.

Dida hin usa nga eksklusibo nga panmakiana han Philippine News Agency (PNA) didto han iya opisina ha Camp Aguinaldo, nagsering hi Gazmin nga an pagpahibalik han ROTC nga programa in magigin dako nga bulig para han Armed Forces of the Philippines (AFP) bali dugang nga pwersa.

Han mga nakalabay nga mga katuigan, an programa han ROTC in waray igpadayon bali usa nga compulsory nga programa o kinahanglanon gud para han mga college nga mga estudyante para makagradwar. Ini in ginbalyuan han pagserbisyo ha kumunidad nga programa o community service program.

Bali pagpadarudamo nga pwersa, an mga ROTC nga mga kadete in pwede matudlok para hin mga trabaho pagseguro hin malimpyo ngan diri masamok nga piniliay imbes nga mga kasundalohan o kapulisan nga pwede maikadto para hin mga operasyon para seguridad ha iba nga parti han nasud kun diin hera in mas nga ginkikinahanglan, sering ni Gazmin.

Dugang pa niya nga an mga ROTC nga mga kadete in pwede maideploy kun hain mayda mga national disasters sugad han mga bagyo ngan lidog.

An mga nagtapos han ROTC in automatik nga nagigin kaparti han kanan nasud reserba nga pwersa.

Sering ni Gazmin nga an mga ROTC nga kadete in gintutduan para magin disiplinado kun diin importante ini para ha pag-uswag han nasud.

Hi Gazmin, nga usa anay nga commanding general han Philippine Army (PA) ngan han elitista nga Presidential Security Group (PSG), in nagpagawas han iya hingyap nga an bag-o nga administrasyon ni Pangulo Benigno Simeon Aquino III in maghatag hin pamaagi pagpahibalik han ROTC nga programa para ha interes han nasud.

"Hi ako mismo in usa anay nga ROTC nga kadete han University of the Philippines antis ako sumulod ha Philippine Military Academy (PMA)," sering ni Gazmin.