Ilocano News: Ikkantay ti chansa ni PNoy ? Ever Molina
By Ben Pacris
Vigan City (1 October) -- Kiniddaw ni Atty Everin Molina, provincial chairman iti Noynoy-Mar Movement iti Ilocos Sur kadagiti umili a saantay pay laeng koma husgaan ti administrasion ni Presidente Beningno "Noynoy" Aquino III. "Ikkantay ti chansa ni PNoy aglalo ta umuna pay laeng a 100 days na, kuna ti dati a konsehal ti Vigan. Ngem masapul nga ipakita ni Presidente Noynoy ti 'political will' ken ti lideratona aglalo kadagiti dadakkel a problema a sagsagabaen ti pagilian. "At least satisfactory ti ratingna iti first 100 days na" kuna ni Ever.
Nasken amaimplementar dagiti pro-poor programs a mangpataud iti ad-adu a pagtrabahuan ken serbisio para kadagiti nakukurapay kuna ni Abogado Molina.
Nagaplikar pay ni Molina ti administrasion ni PNoy ta kayatna met iti tumulong kadagiti umili babaen iti baro a gobierno. Saan a nagtuloy idi ni Atty Molina a kimmandidato a para bisemayor wenno para mayor ti Vigan iti napalabas a local elections. Timmulong laengen iti kampania da Noynoy ken Mar bayat ti presidential elections kas miembro ti Liberal Party.
Maipapan ti issue ti impeachment kenni Ombudsman Mercedita Gutierrez iti Kongreso, kunanna a nasken a masurot koma ti Supreme Court nga isardeng koma dagiti kongressmen ti isayangkatda nga impeachment proceedings. "Ngem nasken met a msukatan ni Ombudsman Gutierrez tapno ad-adu ti madusa iti graft and corruption," innayonna. (PIA ILocos Sur) [top]
