Hiligaynon News: GRP nagalaum nga mag-umpisa subong nga bulan ang pag-estoryahanay sa katawhay sa MILF
Koronadal City (7 October) -- Nagalaum ang administrasyon Aquino nga umpisahan bag-o matapos ang bulan sang Oktubre ang naawat nga paga-estoryahan nga katawhay sa tunga sang gobyerno kag sang Moro Islamic Liberation Front (MILF).
Suno kay Presidential adviser on the Peace Process secretary Teresita Deles, naghimo na sang mga indi pormal nga pag-estorya ang duha kag grupo para solbaron ang iban pa nga mga isyu bag-o pa man mag-umpisa ang pormal nga negosasyon sa katawhay.
Nakapreparar na man si Presidente Benigno Simeon Aquino III kag ang gobyerno, suno kay Deles kag nagalaum ini nga preparado na man ang MILF.
Gintagaan punto man ni Deles nga samtang nagahulat para sa pag-umpisa sang pormal nga pag-estoryahanay sa katawhay, ang kabug-usan nga sitwasyon man nga magapabilin man nga pabor sa tanan nga natungdan sang pag-estorya sa katawhay.
Ginpaathag man sini nga ang desisyon sa petsa kag lugar sang pagpadayon nga pag-estorya sa katawhay indi pa pinal kag nagahulat pa sang mga suhestiyon sang ikatatlo nga partido nga facilitators nga ginkasugtan man sang grupo sang gobyerno kag sang MILF. (EBdelaCruz/aca/PIA12) [top]
