Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 5 June 2020 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2020 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/10/07

Ilocano News: Report ti President: Awan ti Pilipinas a mabati

Ni Imelda Castro-Rivero

Ilocos Sur (7 October) -- Tattay bigat nagsao ni Presidente Benigno Aquino III iti La Consolacion College, Manila maipanggep ti nagappuanan ti administrasionna iti umuna a sangagasut nga aldawna. Dagitoy sumaganad dagiti inreport ti Presidente.

Kuna ti Presidente nga awan ti Pilipino a mabati. Dinakan ipalubos a bassit laeng ti bumaknang ket malmalmes met iti kinapanglaw dagiti kaadduan. Inripiripna a ti trabaho ti prioridad ti administrasionna. Kasta met nga ik-ikkan ti administrasionna ti panagbirok kadagiti wagas a mangtulong ti pagilian saan a ti panagipadamag kadagiti nagappuananna. Saan nga agsardeng a mangdalus kadagiti saan a nasayaat a mapaspasamak iti gobierno ken pagillian. Ket agyaman gapu ta agsubsublin ti panagtalek ti tao iti gobierno ken ti lubong iti pagillian kas Makita kadagiti nagduduma a positibo a napasamak iti umuna a sangagasut nga aldaw iti administrasionna.

Ti Executive Order No. 7 ket sinuspenderna dagiti pribelihiyo nga naited kadagiti opisial dagiti 122 nga ahensia kem kompania ti GOCC, GFI ken dadduma pay nga ahensia. Iti kaso ti NAIA 3, 990 million a dolyar ti nasalbar iti pondo ti gobierno gapu ti tulong da Justice Florentino Feliciano ken Justice Mailou Sereno. Dagitay met napasardengtayo a negotiated contracts ti DPWH naibidda manen isu a naisardeng ti mabalin a pannakadadael kuma ti 934.1 milion a piso. Iti met DOTC maysa bilyon piso ti nasalbar, ket iti DA 30 million pesos.

Ad-adalen pay laeng ti gobierno ti inaprobaran ti dati nga administrasion a panangkali a nauneg ti Laguna de Bay tapno saan a madadael ti pondo. Simmayaat ti panagibaga ti PAGASA ti maipanggep ti tiempo. Bassit laengen dagiti awan pay a kasapulan ti opisina.

Naipasardeng ti nabayag a sistema dagiti proyekto nga agtultuloy nga awan met ti ag-inspect no umno met laeng wenno saan. Naiduron pay ti zero-based budgeting. Naikkat dagiti Agricultural Input Subsidies nga ad-adda a nagpabaknang kadagiti babaknang ken nangidadanes kadagiti napapanglaw. Kast met ti Kalayaang Barangay ken Kilos Asenso a saan met a klaro ti prosesoda no papanan tip undo. Adda pay P11B para ditoy ket naikabil kadagiti programa nga agkasapulan ti pondo.

Ti pondo a naurnong ket naipan iti edukasion, salun-at ken pangontra ti kinapanglaw. Nagbalin a 207.3 B piso ti pondo ti DepEd a para ti adu a classrooms ken riburibu a kabarbaro puesto dagiti mangisursuro. P33.3B ti para DOH tapno maipan ti National Health Insurance Program. Dandani nadoble ti pondo ti DSWD.

Nabangon ti Conditional Cash Transfer Program ket addan maysa a milyon a pamilya a natulungan inggana't matulungan ti 2.3 milion a pamilya inggana't 2011. nanayunan ti KALAHI-CIDSS program ti $59.1 million manipud World Bank para ti kalsada, kuryente, ken nadalus a danum dagiti barangay.

Addan ad-adu ngem $2B ti sumrek manipud negosiante't sabali a pagillian. Daytoy ket mangted ti 43,600 a trabaho kadagiti Pilipino. Ket umadu latta ti trabaho ta adun to met ti agipatakder ti panganan wenno sari-sari stores iti aglawlaw dagiti maipasdek a negosio.

Trabaho latta ti ited dagiti public-private partnerships nga idurduron ti gobierno kas ti pannakabangon dagiti kabarbaro nga ero Puerto para turismo, ken pagadalan.

Kangattuanna kadagitoy a tiempo ti Gross International Reserves ti Pilipinas a nagbalin a $52.3B itay Setiembre 20.

Iti maikatlo a bulan ti admnistrasion manipud nagaply ti Pilipinas iti Millenium Challenge Corporation Grant naaprobaran daytoy. Adda naited a $430M.

Naikkaten ti Pilipinas iti listaan dagiti pagillian a mangisaksakit kadagiti tax evaders. Mabalinen ti makaala ti inpormasion tapno matiliw dagiti dina kayat ti agbayad ti buis. Iti Pera ng Bayan website rumrummuaren dagiti tao a makatulong tapno makamat dagiti smugglers ken tax evaders. (PIA Ilocos Sur) [top]

|«  prev  next  »|
DAILY NEWS LIST:
»Tagalog News: Panukalang batas na paparusa sa maling pag-awit ng Lupang Hinirang lusot na sa Kamara
»Tagalog News: DFA naghahanap ng mga certified public accountants
»September registers lowest inflation this year
»RH advocates to bishops: Practice what you preach, learn respect
»Gov't employees participate in "Walk and Bike for a Cause 2010 PART III"
»CSC-XI personnel conduct charity mission
»Aboitiz to build coal power plant in Davao
»Iran's ban of agri products stalls 50M boxes of Davao cavendish bananas
»DAR installs Davao Oriental beneficiaries
»DSWD opens 1st search for child-friendly police station in Davao City
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines