Cebuano News: MARINA mipasalig nga luwas ang mga barko sa Sugbo
by Roberto M. Cabardo
Cebu City (29 November) -- Gipasalig sa Maritime Industry Authority kon MARINA dinhi nga luwas ang mga barko sa Sugbo.
Matud ni Atty. Glen Cabaņez, hepe sa maong ahensiya nga ang ilang buhatan kanunay nga gapatuman sa Safety Inspection System nga pinasikad usab sa Memorandum Circular Number 203 nga gikan pa sa ilang buhatan sa kauluhan.
Nidugang usab si Cabaņez pag-ingon nga ang ilang buhatan makapasalig usab nga ang mga barko nga nagbiyahean dinhi sa Sugbo og mga silingang dapit dili maghatag og kakuyaw sa mga biyahedor. (PIA Cebu) [top]
