By Rodrigo S. Victoria

Manila (12 April) -- Ang Commission on Elections (Comelec) milimpyo sa sobrang usa ka milyon nga mga Pilipino gikan sa lista sa mga botante sa mid-term nga eleksyon sa Mayo 14.

Si Comelec Commissioner Rene Sarmiento nagkanayon nga ang Comelec mitangtang sa lista sa total nga 1.3 ka mga walay gamit nga mga botante, diin kini mipakunhod sa numero sa kwalipikado nga mga botante ngadto sa 45.5 ka milyon alang sa eleksyon sa Mayo.

Si Sarmiento nagkanayon nga ang maong talaan gikan sa Election and Barangay Affairs Department sa Comelec.

Siya nagkanayon nga ang maong talaan nagpakita nga ang gitangtang sa lista nga mga botante naglangkob sa mga tawo nga nakonbekto sa korte, gitan-aw nga walay katakos tungod kay may deperensya sa panghuna-huna, napakyas pagbotar sa duha ka sunod nga regular nga eleksyon, nawagtangan sa citizenship pagka-Pilipino, gidid-an sa pagbotar base sa order sa korte, patay na o nakarehistro makaduha alang sa eleksyon.

“Karong adlawa, ang among certified nga lista sa mga botante syento porsyento na nga limpyo. Kini ang unang higayon nga among gilimpyo ang listahan sa mga botante human sa pipila ka tuig.” matud pa ni Sarmiento sa usa ka interview sa mga magtataho niadtong Miyerkules.

Siya nagkanayon nga ang National Capital Region mimantala sa pinakataas nga numero sa dili kwalipikado nga mga botante nga may 73,430.

Sa laing bahin, si Sarmiento nagkanayon nga may total nga 6,059 ka mga pangalan ang gitangtang sa lista gikan sa mga botante sa Autonomous Region in Muslim Mindanao (ARMM).

Sa Mayo 2004 nga eleksyon, adunay 100,000 ka mga tawo sa ARMM nga gitangtang sa listahan sa mga botante.