Cebuano News: Pres. Arroyo motan-aw sa P2 bilyones nga kasabutan didto sa Tsina
Ni Rebecca Cadavos
Manila (18 April) -- Sa iyang orihinal nga skedyul nga mobyahe sa lima ka syudad sa Tsina naputol ngadto sa usa, si Presidente Gloria Macapagal-Arroyo nag-ingon sa mga kausaban sa tanang kasabutan nga iyang gilauman nga pirmahan, diin mikabat ug P2 bilyones nga pagapirmahan didto sa Boao.
Si Arroyo molakaw gikan sa Abril 20 ngadto sa 21 aron sa pagpakigsulti sa Boao Forum sa probinsya sa Hainan, Tsina. Kinahanglan nga kuhaan ni Arroyo ang orihinal nga pagbyahe sa Tsina tungod sa aneurysmectomy ug triple heart by-pass nga operasyon nga gihimo sa iyang bana nga si Jose Miguel Arroyo, human sa aortic aneurysm.
“Makuhaan na kini karon gikan sa Abril 20 ngadto sa 21 ug sa Boao na lamang, ug ang tanang kasabutan nga gikaingong pirmahan sa ubang mga lugar, kon ang mga mopirma motugot, mapirmahan didto na lamang sa Boao,” siya nag-ingon atul sa hinusang pakighinabi sa media.
Si Arroyo nagpadayag nga ang pagbubo ug puhunan gikan sa Tsina maka usbaw sa ekonomiya sa nasud diin siya naghulagway nga karon nakasugod na. (PIA-Maasin) [top]
