Cebuano News: Mga pag-andam sa Adlaw sa Mamumuo
by Flor Jackson
Manila (29 April) -- Ang buhatan sa police sa National Capital Region maghatag ug seguridad ug proteksiyon sa Malacanang ug sa mga vital government ug private installations tungod kay daghang mga mamumuo, mga militanteng grupo ug mga leftist groups ang nakatalaan nga mopahigayon ug dako nga kalihukang protesta karong umaabot adlaw sa mamumuo o kon Labor Day sa Mayo 1.
Mokabat sa 15,000 ka mga miyembro sa polisiya ang ipakaylap sa lain-laing mga lugar sa Metro Manila aron mapugngan ang mga grupong kriminal ug terorista sa pag pahimulos sa maong sitwasyon.
Mokabat sa 75% sa pwersa sa National Capital Region Police Office (NCRPO) ang ipakaylap usab sa Mendiola, Liwasang Bonifacion, sa Edsa Shrine, sa People Power Monument, US Embassy ug ingon man usab sa Makati Business district.
Lain usang 200 ka mga personnel gikan sa Civil Disturbance Management personnel ang i-destino pag bantay sa Malacanang Palace.
Ang mga pulis gikan sa Central Luzon, ug sa Calabarzon ug ang Armed Forces sa NCR Command mag assign usab ug field personnel aron makadugang sa gidaghanon sa police nga anaa na destino sa Metro Manila. (PIA-Naval) [top]
