Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 30 June 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2022 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/06/07

Cebuano News: Kooperasyon sa Asean ug Portugal nahipanglantawan

By Rodrigo S. Victoria

Manila (7 June) -- Ang Malacaņang malaumon nga nagsulti kagahapong adlawa nga ang duha ka adlaw nga pagbisita ni Presidente Gloria Macapagal Arroyo ngadto sa Lisbon mauy maghatag ug dalan alang sa kooperasyon tale sa Portugal ug ang Association of Southeast Asian Nations (Asean) igngon man usab sa pagpalambo sa bilateral nga mga relasyon sa Portugal ug Pilipinas.

Ang Presidente nga miabot sa Lisbon sa mga alas-10 ang takna sa miaging gabi-i (oras sa Manila) gikan sa Roma diin siya mitambong sa seremonyas sa pagkahimong santa ni Blessed Marie Eugenie, ang nagtukod sa Religious Assumption ug uban pang tulo ka mga bag-ong santos.

Lain pa nga maanindot nga butang sa biyahe sa Presidente didto sa Roma, ang pinuy-anan sa Katolisismo sa kalibutan, mao ang iyang pribado nga pakigkita kang Papa Benedicto XVI nga mihatag sa iyang mga gasa ngadto sa katawhang Pilipinhon ug sa Pilipinas, ang ika-tulo nga pinakadako nga Katoliko nga nasud sa kalibutan ug ang pinakadako sa Asia.

Sa iyang mensahe kagahapon sa buntag, si Press Secretary ug Presidential Spokesperson Ignacio R. Bunye misulti nga malaumon, nga ang pagbisita sa Presidente ngadto sa Portugal mauy "magpahaluna sa entablado alang sa kooperasyon sa Asean tungod kay ang maong nasud mao ang mosunod nga Presidente sa European Union, ang pagpauswag sa bilateral nga mga relasyon sa Pilipinas ug Portugal, pagtubo sa mga oportunidad sa pagnegosyo alang sa mga produkto sa Pilipinas ug pagtubo sa pamuhunan gikan sa mga kompaniya sa Portugal."

Ang Pilipinas nga mauy nangulo sa Asean karong tuiga, samtang ang Portugal mauy mohulip sa pagpangulo sa 25 ka myembro nga European Union karong tuiga. Ang Portugal usa sa 12 ka orihinal nga mga myembro sa European Community (EC).

Isip pangulo sa Asean, ang Presidente mauy nanguna sa pagduso alang sa mas haduol nga mga relasyon tale sa mga myembro sa grupo sa rehiyon ug uban nga mga nasud ilabi na sa ekonomiya, pagprotekta sa kinaiyahan, tawhanong mga katungod ug mga butang mahitungod sa seguridad.

Sayo kagahapon sa hapon (oras sa Manila) ang Presidente gikatakda nga makigkita sa taas nga mga opisyales sa Portugal, lakip na ang Presidente sa Asembliya sa Portugal nga si Jaime Gama ug Presidente Anibal Cavaco Silva sa Portugal. (PIA-Biliran) [top]

|«  prev  next  »|
DAILY NEWS LIST:
»Davao to host PICE National convention
»DPWH to sustain inspecting infra facilities
»Procurement activities, regulated under RA 9184 - DBM
»GSP DavNor council gets hard time enlisting members
»Cardava farmers convene for knowledge sharing
»Davao City, ComVal score highest in loan payment
»Komentaryo: Pamana ng Pangulo sa sambayanan
»Cebuano News: Kusganong ekonomiya magpadayon kung ang nasud magkahiusa paglihok, matud sa Palasyo
»Cebuano News: Bunye nagpahayag sa kaimportansya sa edukasyon pag-us-us sa kalisod
»Cebuano News: Kooperasyon sa Asean ug Portugal nahipanglantawan
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines