Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 4 July 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << July 2022 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/07/16

Ilocano News: Ad-adu pay a nakukurapay maipaayan iti Philhealth card

Ni Ben Pacris

CANDON City (16 July) -- Ad-adu pay nga umili nangruna dagiti nakukurapay a pamilia iti Ilocos Sur ti maipaayan iti Philhealth card tapno masagrapda ti libre a serbisio medical kadagiti ospital iti probinsia nga accredited ti Philippine Health Insurance a kas tulong ti gobierno.

Kinuna ni Diputado Eric Singson a mapadur-as daytoy a programa a prioridad dagiti nakukurapay a pamilia tapno masagrapda ti libre nga agas ken libre a pannaka-ospital aglalo kadagitoy a tiempo a nangina ti singir kadagiti ospital.

Iti naangay a press conference iti pagtaenganna itay nabiit, kinuna ni Congressman Singson a 30 porsiento kadagiti nakukurapay a pamilia iti populasion iti tunggal ili iti probinsia ti seknan dauytoy a programa iti daytoy a tawen.

Ti mabayadan a premium pagbibingayan ti provincial government nga idauluan ni Gobernador Deogracias Victor (DV) Savellano, ti Congressional Office ken dagiti maseknan a Local Government Units (LGUs).

Kinuna ti diputado iti maikadua a distrito nga adda dagiti il-ili iti probinsia a naipaayandan ti 80 porsiento kadagiti indigents iti luglugarda ti philhealth card a maaramatda no maospital dagitoy.

Kabayatanna, inwaragawag pay ti Depurty Speaker iti Kongreso a mawarasan iti 100 a bags ti semento ti amin a barangay iti Ilocos Sur tapno maaramatda para iti small irrigation project, solar drier ken barangay roads. Manipud iti self health program ti 20 porsiento a development fund ti barangay, mabalinda a paggatang iti darat ken graba para iti proyekrto ti kalsada iti barangayda.

Makitinnulong pay ti provincial government a mangnayon pay iti daytoy 100 a bags ti semento a maiwaras iti barbarangay tunggal tawen a makatulong unay para iti pagdur-asan ti barbarangay, kinuna ni Congressman Singson.

Iti benneg ti agrikultura, kinuna pay ti diputado a maipakat ti "buy one take one" iti organic fertilizer para kadagiti lehitimo a mannalon iti maikadua a distrito. No gumatangda iti dua nga bags ti organic fertilizers dua met ti maited a libre kadagitoy a maseknan a mannalon.

Dagiti laerng lehitimo a mannalon nga inlista ti Department of Agriculture ti mabalin a pakaipaaayan daytoy a programa tapno maliklikan ti pananggundaway dagiti negosiante wenno saan a mannalon., kinunana.

Nakaru ti pannakadadael dagiti taltalon iti probinsia isu a nasken a maipakat ken maaramat dagitoy organiko a ganagan a mangsaluad kadagiti dagdagatayo, kinuna ni Diputado Singson. (PIA Ilocos Sur) [top]

|«  prev  next  »|
DAILY NEWS LIST:
»ASEAN spirit apparent even in sports competitions
»PGMA looks into welfare of mediamen
»Ilocano News: Ad-adu pay a nakukurapay maipaayan iti Philhealth card
»Ilocano News: Saan pay a nakasagana ti Sta. Catalina iti political dynasty - Rabang
»Waray-Waray News: Paghahalpaton han goberno an mga kriminal han mga sundalo han Marines
»Two more SEDIP school buildings turned over
»Parents urged to guide teenagers on proper food intake
»Youth council seeks barangay-level registration, major reforms for Sangguniang Kabataan
»Sorsogon celebrates week of PWDs
»Commentary: Modernizing the education system
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines