Waray-Waray News: Ginpahayag ni Press Sec Bunye an mga importante nga nahimo ni PGMA sa Tsina
Ni Nene A. Manzanares
Manila (5 October) -- Nagpahayag si Press Secretary Ignacio Bunye san mga importante nga mga nahimo ni Presidente Gloria Macapagal Arroyo kasumpay sa kanya pagbisita ngadtu san nasud Tsina. Ine nga mga himo san Presidente mao an masundo:
Nagpasalamat si Presidente Hu san Tsina kan Presidente Arroyo san pagkadto san aton presidente pag-atender san Special Olympics diin nagpadara an Pilipinas sin 52 nga mga miembro san delegasyon nga mao an pinakadako san mga delgesayon nga nag-atender san nasabi nga Special Olympics.
Si Presidente Arroyo in naghatag sin katalahuran kan Presidente Hu san Tsina san pagsalin-urog san nasabi nga nasud sa kanra ika 58 nga anibersaryo.
Ginkompirma ni Presidente Arroyo an aton pagsunod san One-China Policy o kun pagkila sin sayu la nga Tsina.
Nagpahayag si Presidente Arroyo nga an relasyon san Pilipinas ngan Tsina in mabaskug, yaun kompyansa ngan komprhensibo. An Tsina in pinakamalaksi an pag-uswag ngan ika tulo san pinakadaku nga trading partner san Pilipinas.
Nagsugad si Presidente Arroyo nga nagpapasunod kita sine nga relasyon sulod sin respeto, pakig-dayalugo ngan pagtapud sin pagkatin sin mga sensitibo nga mga isyu.
Gineksplikar ni Presidente Arroyo an makuri nga desisyun parte san dire pagpadayun san National Broadband Project. Nagsugad an presidente nga natapud siya nga mai-intindihan san Tsina ine nga situasyon.
Sa bahin naman san Tsina, nagsugad si Presidente Hu nga an Pilipinas in maupay nga alyado sa kanra nasud. Nagkompirma siya nga komitedo an Tsina nga mapakuru-kusog an relasyon san Tsina ngan Pilipinas. Ngani an mga ministro san Tsina ngan Pilipinas in naghihimo na sin mga stretehiya parte kooperasyon paghimo sin mga programa.
Kaupod na gihapon ine an paghimo sin economic development program sulod sin lima ka tuig agud mahimo gihapon ine nga giya san pagburubligay. Nagsugad gihapon si Presidente Hu nga an aton relasyon pan-negosyohan in mabinungaon. Nagpahayag siya sin pag-intindi ngan nagkompirma nga an aton relasyon sa Tsina in makusog ngan maupay an kamutangan.
Nagpahayg an duha nga Presidente sin kakontento san progreso san pagtuon san kamutangan san China Sea. Sa mga tagobserbar, an miting san duha nga Presidente in maupay ngan nagpapaimud sin mapaso nga pagkasarangakay.
Parte naman san Special Olympics, nakigduyog si Presidente Arroyo kaupod an mga dumagko nga mga opisyales san iba nga mga nasud san pag-abre san nasabi nga Olympics nga ginsusugad nga Special Olympics World Summer Games 2007 sa Shnaghai Stadium. (PIA Northern Samar) [top]
