by Flor Jackson

Manila (24 October) -- Padayon ang pag tubo ug pag usbaw sa mga fishery products ug ingon man ang mga high value crops nga nagalakip sa lubi, pinya ug mangga padayon nga mao'y nanguna nga agricultural merchandise sa nasud sa natad sa pagbaligya niini sa gawas diin ang halin sa maong mga produkto ningtubo gikan sa 9.02% ngadto sa $1.66 billion alang sa unang pito ka buwan sa tuig 2007. Kini ang gipahayag sa Department of Agriculture o kon DA sa ning labay nga adlaw.

Diha sa usa ka report ngadto kang DA Secretary Arthur Yap, si Undersecretary for Special Concerns Bernadette Romulo Puyat nakamatikod nga ang Estados Unidos sa America nagpabilin nga usa sa mga top destinations sa Pilipinas alang sa agricultural products niini samtang ang sales, halin ug kitasa nasud ning abot ug $409.30 milyones dolyares o kon 24.54% sa total nga exports sa nasud sa period January-July niining tuiga.

Si Puyat nga-ingon nga ang nasud sa United State gisundan sa Japan nga aduna'y $248.79 milyones o 14.7 por syento sa total nga export sales.

Kini gisundan sa Netherland nga aduna'y $131.47 milyones o kon 7.88 per cent nga export sales; Korea, $108.34 million o 6.49% ug Thailand nga aduna'y $71.37 milyones o 4.28% nga maoy nagkompleto sa top five destinations alang sa Philippine agricultural products alang sa unang pito ka buwan sa 2007, dugang pa niya.

"Ang atong agricultural exports nga mokantidad ug $1.53 billion sulod sa unang pito ka buwan sa tuig 2006, ning usbaw ug hapit $138 milyones ug ning-abot ug $1.66 ka bilyon sa susamang period niining tuiga", matod pa ni Puyat.

Ang maong increase sa export earning wala pa maglakip sa halin sa agricultural machineries sama sa makina nga gigamit sa pag-ani, processing machines ug machine parts didto sa gawas sa nasud.