by Flor Jackson

Naval, Biliran (October 43) -- Kasumpay sa pagpahigayon sa synchronized sangguniang kabataan (SK) ug barangay elections karong umaabot Octobre 29 niining tuiga, si Atty. Sabino Mejarito, ang Provincial Election Supervisor sa probinsya sa Biliran nga-awhag sa mga kandidato sa pagsunod sa mga balaud nga gilatid sa Comelec.

Iyang hugot nga gipahimatngonan ang mga kandidato sa dili pagpamalit ug botos, ug pagpanghakot ug mga botantes. Iyang gi-awhag nga ang piniliay karong umaabot Octobre 29 usa ka non-artisan nga kalihukan ug ang mga kandidato dili kinahanglan moduol ug mga politiko aron mangayo ug suporta sa bisan unsa nga paagi.

Bisan pa man nagkaduol na ang piniliay, ang Comelec padayon nga nagpahigayon ug information and education activities pag giya ug pag edukar sa mga kandidato sa ilang angayng buhaton.

Gipahayag ni Atty Mejarito nga ang tagsa-tagsa ka mga buhatan sa Comelec sa walo ka mga munisipyo sa probinsya sa Biliran iyang gi-mandoan nga magpahigayon ug information and education campaign sa koordinasyon sa Provincial Comelec office aron ma-edukar ang mga botantes sa synchronized Sangguniang Kabataan (SK) ug Barangay Elections ug ilabi na ang mga kandidato karong umaabot Oktubre 29 niining tuiga.

Aron masiguro nga dili mamalit ug botos ang mga kandidato karong Oktubre 29 nga piniliay, manghakot ug mga botantes ug sa pagbuhat sa mga gidili nga gawi sa Comelec, pagkatapos sa orientation/seminar sa mga kandidato nga gipahigayon sa Comelec sila magpahigayon usab ug covenant signing aron masiguro nga ilang sundon ang mga nakalaan sa maong covenant ilabi na ang dili pagpamalit ug botos, dugang pa nga pahayag ni Atty. Mejarito.