Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 30 May 2020 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2020 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/28

Pangasinan News: Gobernador Espino kinerew toy pakatalos na kabaleyan to

nen Danny O Sagun

LINGAYEN, Pangasinan (Oktubre 28) -- Kinmerew na malaknab nin pakatalos si Gob. Amado T. Espino ed saray kabaleyan tan itdan da ni kaaruman ya panaon pian gawaen toray programa tan proyekto parad luyag.

Diad press conference nen karuman diad official residence ton Urduja House, kinerew to met so pakatalos na saray managpalapag ya anosan da no agto ra napiarapan no maminsan lapud inkaokupado tod trabaho to. Binalaw na saray taga media si Espino lapud ag kuno naromog tan agda napitoyawan anggano walad opisina to. Saray katuyaw to labat et saray maapit ton totoo tan saray department heads na Kapitolyo.

Inamin ton ansakit iray tiradad sikato tan saray totoo to pero inkuan ton naaralan toy manpasensya lapud kuanton parte na trabaho so pakasita. Inyarum ton ag anguman so pikakaaro tod saray managpalapag.

Imbaga to ya baleg a talaga so probleman asabian to ed luyag kanian tuloy-tuloy so panagtrabaho to ya apaulyanan to ni ingen so pamilya to.

Inyuna to ya ayosen so Kapitolyo, saray dakel ya casuals, tan inkapropesyonal na saray empleado na probinsya, inkuan to. Maermen ed impakaekal na arum ya casual lapud ta sinmobra so bilang ya kontra la ed ibabaga ley, inadmiti to, pero inyarum ton kaukolan ya saray mantatrabaho ed Kapitolyo et nikinon day trabaho ra ya aliwan basta inala labat ira lapud pulitika.

Inkuan ton magano lan nasumpal so pangaapiger ed saray opisina diad Capitol building tan kaabay iran bilding. "Next year wadtan kami lan manopisina ya mankakasakey," inkuanto, ya tutukoyen toy inkasikato, say bise-gobernador tan saray bokales ya manopisina dimad mismon Capitol building.

Saray arum ya opisina ya walad Capitol building so onalis dimad kaabay iran bilding.

Likod ed tourist spot ya Hundred Islands dimad Alaminos City, imbaga ton aapigeren ya maong so Capitol compound pian magmaliw ya manunan tourist attraction na luyag. (PIA/DOS) [top]

|«  prev  next  »|
DAILY NEWS LIST:
»DepEd: Voters, teachers safe on election day
»Pangasinan News: Maong so pakakalmod niyog - PCA
»Pangasinan News: Gobernador Espino kinerew toy pakatalos na kabaleyan to
»Silliman hosts Pinoy Media Congress 2007
»Commentary: Deleting the culture of divisiveness in favor of forging unity and patriotism
»IMF says RP has "best performing economy second to Singapore" among ASEAN members
»PGMA welcomes Erap's support to her pro-poor programs
»PGMA wants possession of explosives non-bailable
»DILG urges citizens to vote for better future
»Iloilo council bats for "children perspective" in local governance
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines