Waray-Waray News: Dugang nga pondo asistensyia tikang sa Estados Unidos dugang nga nag-undong san PR-US partnership - Romulo
by Ailene N. Diaz
Manila (7 November) -- Si Foreign Affairs Secretary Alberto G. Romulo otro nga nagpasamwak kahapon san kalipay san gobyerno san desisyon san senado san Estados Unidos pagpahitaas san pondo asistensya ngadi san nasud Pilipinas ngan nagsugad nga ini makakadugang san makusog na nga pagkasayo sa butnga san Pilipinas ngan Estados Unidos.
Kon mahinumduman, sugad san Secretary, sa naglabay nga Septyembre, an Senado san Estados Unidos naghimo sin maabot tulo ka pilo nga dugang san Foreign Military Funding para sa Pilipinas - tikang san onse milyones dolyares nga gin proponer san Executive Department ngadto san 30 milyones dolyares. An Senado nagdugang liwat san ira Economic Support Fund tikang san 26 milyones dolyares ngadto san 30 milyones dolyares ngan nag-aghat san Executive Branch nga magrequest o maghangyo pa sin kadugangan kon yaun na ginsabutan pankamurayaw sa butnga san gobyerno san Pilipinas ngan Moro Islamic Liberation Front (MILF).
San pareho nga bulan, sugad ni Secretary, personal siya nga nagpasalamat ngadto san mga miembro sa Congreso sa Estados Unidos, partikularmente kan Senador Daniel Inouye, Senador Daniel Akaka ngan Representante Bob Filner, nga makusog nga tagsuporta sa Pilipinas. Sugad niya sira liwat nagtarapo san State Department Officials nga may panginlabot san Foreign Military Funding ngan Economic Support Fund kaupod na si Deputy Secretary of State John Negroponte.
Dugang pa ni Romulo, ini nga asistensya san Estados Unidos in nakabulig sa Pilipinas san damo nga paagi, ngan ini nakapakusog san kooperasyon ngan pagkasayo san mga naglabay nga tuig, ngan duon nga nagsugad nga ini nga pondo in importante sa katumanan nga naangkon sa Pilipinas san pag-ato kontra terorismo, pagtindog san kamurayaw ngan pakaghimo sin pagpauswag ngan progreso partikulamente san Southern Philippines.
Ini an pondo nga dako an bulig san paggalbot san terorismo, bulig san inpra straktura, panlawas ngan edukasyon san mga apektado nga lugar. Ini liwat nga pondo an nag undong san partnership ngadto san Estados Unidos para an aton nasud ngan rehiyon magkayaun seguridad kontra san panarhug san terorismo. Ini nga pondo in nakasalbar sin damo nga kinabuhi ngan nakadara sin bag-o nga paglaum sin waray katapusan nga kamurayaw ngan may tinuod nga progreso para san kadam-an, sugad san Secretary.
Si Secretary Romulo nagsugad nga sa bawbaw sini nga mga pagdugang sin pondo, an Senado liwat in mahatg sin kadugangan nga dos milyones dolyares contigent outlay lain pa ini san una nga 30 milyones dolyares para san Foreign Military Funding.
Basi san ginproponer nga pondo san Senado para sin kadugangan nga dos bilyones dolyares para maihatag, an US Secretary of State kinahanglan magreport nga:
An gobyerno san Pilipinas in nag iimplementar san rekomendasyon san United Nations Special Repporteur matungod san Extrajudicial, Summary ug Arbitrary nga pamatay.
An gobyerno in nag iimplementar san palicia pag promote san personnel san pwersa armada labi na adton nagpapakita sin professionalism ngan respeto san katungod san tawo ngan nag iimbistigar ngan nagtutugis sadton miembro san military nga nakagbuhat sin pamatay ug iba pa nga bayolasyon san katungod san tawo; ngan
An nasud ngan an pwersa armada in diri nauupod sin buhat sin pantarhog ngan samok kontra san legal nga mga organisasyon nga naproteher san katungod san tawo.
An pag ato san gobyerno san Pilipinas para mapirdi ini nga pagpakuri in klarado, 76 nga mga kaso in ada yana san trial, 33 in ginpepreparar para san persekusyon, unom ka tawo kaapi na in miembro san pwersa armada in nasentensyahan na, ini an sugad ni Secretary Romulo. (PIA-Northern Samar) [top]
