By Teresita B. Cardenas

Catarman, Northern Samar (7 November) -- Si Presidente Gloria Macapagal Arroyo nagpagula ug direktiba ngadto sa mga ahensya sa gobyerno, labina ang Department of Energy (DOE), ang Energy Regulatory Commission (ERC) aron ibutad ngadto sa itaas ang mga paagi nga makapahumok sa naingnan nga pagtubo sa presyo sa aseyte.

Ang Presidente Arroyo dili gusto nga mabug atan ang publiko sa naingnan sa pag taas sa sa presyo sa aseyte.

Ang Department of Finance nagpahayag sa plano para pagpagaan sa presyo sa petrolyo'ng krudo sa atong lokal nga ekonomiya. Ang DOF nagpahimutang ug presyo sa pag pa minus sa taripa sa mga produkto nga misulod gikan sa gawas.

Sumbanan sa P44 nga balyohay sa usa ka dolyar sa langyaw nga pagpasaka, ang taripa sa mga gipasulod gikan sa gawas nga petrolyo'ng krudo minusan gikan sa 3 ngadto sa 2 ka porsyento sa higayon nga ang presyo sa krudo sa Dubai mobalik sa naandan nga S94.1 matag baril sa usa lamang ka bulan ug ang presyo sa krudo ang sukaranan ang Mean of Platts Singapore (MOPS). Kung ang naandan nga presyo sa Dubai nga krudo moabut ngadto sa S104.83 dolyar, ang taripa mo dugang pagminus ngadto sa usa (1) ka porsyento. Ang tugkaran humanon na sa Department of Energy para paniguroon nga ang kita sa gobyerno dili maibanan kung pa minusan ang taripa.

Ang pahayag nga plano sa DOF pagminus sa taripa magpahinay sa kita sa gobyerno tungod kay ang gibanabana nga mawala nga buhis gumikan sa pagminus sa taripa sa mga gipasulod nga produkto makabalos sa pagtaas sa kita sa opisina sa Bureau of Customs (BOC) ug Bureau of Internal Revenue (BIR).