Cebuano News: Macarambon magpruyba nga sayop iyang mga kritiko
By Erna S. Gorne
Manila (7 November) -- Si kanhi Regional Trial Court (RTC) Judge Moslemen Macarambong mihurar ngadto sa iyang buhatan kagahapon ingon nga komisyoner sa Commission on Elections (Comelec), taliwala sa mga kontrobersya og pagsaway dala sa iyang pagkatudlo. Apan si Macarambon, kinsa naka-alagad sa nagkalain-laing mga posisyon diha sa legal nga propesyon ingon nga trial lawyer og sa kaulahi-an ingon nga presiding nga huwes sa nagkalain-laing mga RTCs og maingon man nga usa ka law professor, namumpa sa pagpakita nga sayop ang iyang mga kritiko.
"Ako andam sa pagpakita nila nasayop sila," matud pa sa 66 anyos nga Macarambon human siya mihurar sa iyang buhatan atubangan ni Executive Secretary Eduardo Ermita didto sa Guest House sa Malacanang.
Kadtong mi-ataki sa iyang pagkatudlo ngadto sa maong buhatan, nag-ingon nga ang mga pagsaway sa mga publiko nga opisyales natural lamang. "Ako nalipay nga taliwala sa tanang mga pagsaway. Kana normal lamang." Sa paglantaw sa unahan, ang bag-o nga Bomelec komisyoner miingon nga siya nagpa-abot og malisod nga dagan didto sa Commission on Appointments (CA) apan midugang sa pag-ingon andam siya sa pagpasabot sa iyang kabahin sa maong isyu nga
gitumong batok kaniya. "Ako andam sa pagtubag kanila atoll sa mga pagproseso didto sa Commission on Appointments'" matud pa ni Macarambon. Siya usab mipadayag sa pagsalig nga siya makatabang sa pagpadali sa mga reporma sa pinili-ay ingon pagapasiugdahan sa maong legal nga grupo.
Usa ka Maranao, si Macarambon nang hambog sa 30 ka anyos nga pagtrabaho sa ingon nga sa iyang pagka-manlalaban og dayon – hangtud sa iyang pagkatudlo ngadto sa Comelec – ingon nga RTC Presiding nga huwes sa Iligan City.
Sa iyang una nga pagkatudlo ingon nga presiding nga huwes sa Regional Trial Court (RTC) sa 12 didto sa Malabang, Lanao del Sur sa September 1989.
Sa wala pa siya sa iyang pagtrabaho didto sa Iligan City, si Macarambon nagtrabaho didto sa RTC Branch 11 ingon nga presiding nga huwes sobra sa dose ka tuig, RTC Branch 3 usab didto sa Iligan City ingon nga presiding nga huwes sobra sa usa ka tuig, RTC Branch 8 didto sa Marawi City ingon usab nga Presiding judge sobra sa upat ka bulan, RTC presiding nga huwes sa Cagayan de Oro City ingon nga assisting nga huwes sobra sa siyam ka bulan og RTC Branch 7 sa Tubod, Lanal del Norte ingon nga acting presiding judge.
Ang Malacanang nagtudlo nga ang pagkatudlo ni Macarambon ngadto sa Comelec usa ka "sumala sa komitment sa Presidente sa pagpasidungog sa GRP-MNLF nga kasabotan sa pagtudlo sa mga kwalipikado nga mga Muslim sa mga dapit sa responsibilidad diha sa pang-gobierno." (PIA So. Leyte) [top]
