Waray-Waray News: "Pagpasuso" nga programa ginkusgan pa
Borongan City (December 18) -- Ginpakusgan pa an programa han Departamento han Panlawas (DOH) an programa han "Pagpapasuso".
Mismo hi Presidente Gloria Macapagal-Arroyo an naghatag han pinaka-importante nga mensahe durante han programa ha Maynila Ballroom han Manila Hotel ha dire pala maiha diin nakadto in kadam-an nga doctor han hasud.
Gintagan doon han Presidente nga an Pagpapasuso o Breastfeeding in usa nga pagsuporta han programa han iya administrasyon nga maibanan an epekto han kagutom, tungod kay ine an mas pinaka masayon, pianka barato ug pinaka epektibo nga solusyon han gutom han kabataan labi na adton mga bag-o pala nga igin-aanak tikang ha mga kablasanon nga pamilya.
Gindayaw pa daw ni Pres. Arroyo dugang pa han report, an mga doctor, mga representantes han lain-lain nga mga grupo may kalabutan han pagtaga panlawa,s labi na an World Health Organization, DOH ug UNICEF tungod han ira pagkarawta han dako nga ayat nga ma solbar an problema han malnutrition pinaagi han pagduso han eksakto nga pagpapakaon han kabataan, nga naghahatag doon han pagpapasuso han nanay han primero nga unom ka bulan tikan ig-anak an bata, nga waray ano man iba nga ihahatag nga pagkaon ha iya anak kundi an iya gud la gatas (exclusive breastfeeding).
Labis naman nga nalipay hi Dra. Marian Isiderio han Eastern Samar Provincial Health Office, tungod hine nga bag-o nga panhitabo diin mismo an Presidente an nagsisiguro nga masuportaran ine nga programa han kadam-an nga sektor. Ngani hiton masunod nga implementasyon han kanan UNICEF CPC-6 Program ha probinsiya, sayod hiya nga tatagan hin doon han PIA an pagduso han Breastfeeding ug Safe Motherhood.
Agud masiguro nga an mga bag-o nga panganak nga nanay in magpapasuso gud hin ekslusibo han iya bag-o nga igin-anak, gin-aghat han Presiente an mga health workers nga maningkamot agud makarawat an sertipikasyon han mga hospital, pribado man o pang goberno nga "Mother-Friendly Hospitals".
Labot pa, iya gihapon ginsidngan an mga doctor nga magin makusog nga tagduso han eksakto nga pagpapakaon han gudti nga kabataan ngan suportahan an Executive Order 51 an "Milk Code" ug an Rooming-in-Act.
Ha di pala maiha nabaraka an DOH tungod han mga de-lata nga gatas nga asya nala an tinatapuran han mga nanay para ipasuso han ira mga anak ngan ginbabali waray na an pagpapasuso lugod han pinaka masustansiya nga gatas tikang han ira mga lugaringon nga lawas. Kundi yana, pinaagi han pag binubligay han iba-iba nga sektor, hinay-hinay na nga nahibabalik ine nga importante nga batasan para han mga nagpapanganak pa nga nga mga nanay. (PIA-Eastern Samar) [top]
