Manila (15 February) -- Laksid iti kaadu ti kumikom ni PGMA binisita na ti water skiing hub sadiay Pili, Camarines Sur, iti kakaisuna ken awanan katukad na a buya iti intero a pagilyan.

Inpakaammo ni Camarines Sur Governor Luis Raymund Villafuerte Jr ken ni PGMA a kangrunaan na nga bumisbisita iti nasao a lugar ket dagiti European tourists manipud iti Austrian, Hungarians ken Germans.

Kinablaawan met ni PGMA dagiti turista ken nagyaman kadagitoy iti ibibisita da iti Pilipinas.

Gagem iti ibibisita ti Presidente iti mamagabalin met iti probinsya ti Camarines Sur a sumaruno a sentro ti turista iti Asia.

Ti Camarines Sur Watersports Complex iti Cadlan ket 6-hectarya nga addaan iti six-point cable ski system no sadinno a mabalin iti siasino man nga agsursuro iti wakeboard, wake skate, water ski wenno knee board.